بيىل 2400 قىزىلوردالىق باسپانالى بولادى

وتكەن جىلى وبلىس بويىنشا 300 مىڭ شارشى مەترگە جۋىق تۇرعىن ءۇي پايدالانۋعا بەرىلگەن بولاتىن.

ياعني، بيىل قونىس تويىن تويلاۋشىلار سانى بىلتىرمەن سالىستىرعاندا 8 ەسە كوپ بولماق. بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.

ايماق باسشىسى «يپپودروم» مولتەك اۋدانىندا «قولجەتىمدى باسپانا - 2020» مەملەكەتتىك باعدارلاماسى اياسىندا جانە «اراي» مولتەك اۋدانىندا «قازاقستان يپوتەكالىق كومپانياسى» ا ق ارقىلى سالىنىپ جاتقان تۇرعىن ۇيلەردىڭ قۇرىلىسىمەن تانىستى.

مەردىگەرلەرمەن كەزدەسىپ، قۇرىلىستىڭ ساپالى جۇرگىزىلۋىن تاپسىردى. مەملەكەتتىك باعدارلاما اياسىندا سالىنىپ جاتقان ۇيلەردىڭ قۇرىلىسى اياقتالۋعا جاقىن. ال «اراي» مولتەك اۋدانىنداعى 60 پاتەر ءۇش ءۇي جانە 50 پاتەرلى ەكى ءۇيدىڭ ىرگەتاسى ناۋرىز ايىندا قالاندى. بۇل باسپانالار جوسپار بويىنشا قىركۇيەك ايىندا اياقتالۋى ءتيىس.

سونداي-اق، وبلىس اكىمى س. بەيبارىس جانە ع. مۇراتبايەۆ كوشەلەرىندەگى سىرداريا وزەنىنىڭ ۇستىنەن وتەتىن كوپىرلەردى بايلانىستارىتىن اينالمالى جولدىڭ جوباسىمەن تانىستى. 4,5 شاقىرىمدى قۇرايتىن جولدىڭ جوبالىق- سمەتالىق قۇجاتتارى دايىن. قۇرىلىس جۇمىستارى مامىر ايىندا باستالادى. ءتورت جولاقتى جولدىڭ ەنى - 9 مەتر. بۇعان قوسا، جاياۋ جۇرگىنشىلەرگە ارنالعان جول بولادى.

 قالا اۋماعىنىڭ وسۋىنە بايلانىستى «اقمەشىت» مولتەك اۋدانىندا «ءمۇسىرالى» اتىنداعى مەشىت سالىنۋدا. يماندىلىق ءۇيىن «ابزال ي ك» كومپانياسى ءوز قارجىسى ەسەبىنەن جۇرگىزۋدە. مەشىتتىڭ قۇرىلىسى كۇزگە دەيىن اياقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى