قازاقستانعا 24 جىلدا 952,8 مىڭ ورالمان كەلدى

 قازاقستانعا كەلگەن ورالمانداردىڭ كوپشىلىگى، ياعني، 61,5 پايىزى - وزبەكستاننان كەلگەن، سونداي- اق، 14,3 پايىزى - قىتايدان، 9,3 پايىزى- موڭعوليادان، 6,8 پايىزى - تۇركىمەنستاننان، 4,6 پايىزى- رەسەيدەن جانە 3,5  پايىزى- وزگە ەلدەردەن ورالعان قانداستارىمىز.

 ولاردىڭ 21,2  پايىزى - وڭتۇستىك قازاقستان وبلىسىنا، 16,3 پايىزى - الماتى وبلىسىنا،  13پايىزى - ماڭعىستاۋ وبلىسىنا، 9,4 پايىزى - جامبىل وبلىسىنا،  40,1 پايىزى - ەلىمىزدىڭ وزگە وڭىرلەرىنە قونىستاندى.

ەلگە ورالعان قانداستارىمىزدىڭ 55,6 پايىزى - ەڭبەككە قابىلەتتى جاستا بولسا، 18 جاسقا دەيىنگىلەرى - 39,9 پايىز، زەينەتكەرلەر - 4,5  پايىزىن قۇرايدى.

 ەڭبەككە قابىلەتتى جاستاعى ورالمانداردىڭ ىشىندە 8,7 پايىزى - جوعارى ءبىلىمدى، 20,5 پايىزى - ورتا ارناۋلى ءبىلىم العان، 61 پايىزى - جالپى ورتا ءبىلىمى بار جانە 9,8 پايىزىنىڭ ءبىلىمى بولماعان.

 ورالمان مارتەبەسىنە يە بولعان جاندار «حالىق كوشى- قونى تۋرالى» ق ر زاڭىندا قاراستىرىلعان بارلىق الەۋمەتتىك جەڭىلدىكتەردى پايدالانا الادى. بەيىمدەۋ جانە ينتەگراتسيالىق قىزمەتتەر كورسەتۋ ءۇشىن اقتاۋ، قاراعاندى جانە شىمكەنت قالالارىندا، سونداي- اق، وڭتۇستىك قازاقستان وبلىسىنىڭ اقسۋكەنت اۋىلىندا ورالمانداردى بەيىمدەۋ جانە ينتەگراتسيالاۋ ورتالىعى قىزمەت ەتەدى.

ورتالىقتاردا ىسكە اسىرىلاتىن بەيىمدەۋ باعدارلامالارى قۇقىقتىق ماسەلەلەر بويىنشا كەڭەستەر بەرۋدى، مەملەكەتتىك ءتىلدى جانە قالاۋلارى بويىنشا ورىس ءتىلىن وقىتۋدى، كاسىبي دايارلاۋ، قايتا دايارلاۋ جانە بىلىكتىلىكتەرىن ارتتىرۋدى قاراستىرادى، دەپ حابارلايدى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى