وتكەن التى ايدا اسكەري سوتتار قاراعان ىستەر بىلتىرمەن سالىستىرعاندا 24,3 پايىزعا از بولدى

بۇل تۋرالى بۇگىن ق ر اسكەري سوتىنىڭ ءتوراعاسى ساكەن ابدۋللايەۆ ءمالىم ەتتى.

ءتوراعانىڭ ايتۋىنا قاراعاندا، وسى كەزەڭدە 1258 ازاماتتىق ءىس قوزعالىپ، 939 ءىس قارالىپ، شەشىم شىقتى. بۇل كورسەتكىش تە بىلتىرعى جىلعا قاراعاندا 15,8 پايىزعا تومەن.

«جاڭا تەحنولوگيالاردىڭ ەنگىزىلۋىنە بايلانىستى 2015-جىلدىڭ العاشقى توقسانىندا 391 ەلەكتروندى ارىز-شاعىم كەلىپ ءتۇسىپ، ولار وندىرىسكە الىندى. سوت وندىرىسىندە ءبىرىنشى ينستانتسيادا جاتقان 1416 ازاماتتىق ءىستىڭ 1113 ءى قارالىپ ءبىتتى. بۇل كورسەتكىش تە بىلتىرعىعا قاراعاندا 20 پايىزعا، ياعني 311 ازاماتتىق ىسكە از»، - دەدى س. ابدۋللايەۆ.

ايتا كەتەرلىگى، 2015-جىلدىڭ وتكەن التى ايىندا قارالعان ازاماتتىق ىستەردىڭ باسىم بولىگى تۇرعىن ۇيگە قاتىستى داۋلاردى قۇراپ وتىر. ونىڭ ىشىندە جەكەشەلەندىرىلمەگەن باسپانا ءۇشىن وتەماقى تولەۋ، جاۋاپتى لاۋازىمدى تۇلعالاردىڭ ارەكەتىنە شاعىمدانۋ، جەكەشەلەندىرۋگە بەرۋدەن باس تارتۋ بويىنشا مەملەكەتتىك ورگانداردىڭ ۇستىنەن شاعىمدانۋ سەكىلدى ارىزدار بار. بۇدان بولەك، ەڭبەك داۋلارى دا قارالعان ىستەردىڭ باسىم بولىگىن قۇراعان.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى