ماڭعىستاۋ وبلىسىندا بالىق ونەركاسىبىمەن اينالىساتىندار 23 پايىزعا ارتتى
كاسپي تەڭىزى جاعالاۋىندا ورنالاسقان ماڭعىستاۋ ءوڭىرىنىڭ بالىق شارۋاشىلىعى سالاسىن دامىتۋعا بيىل 20 ميلليون تەڭگە ءبولىنىپ وتىر.
2022 - جىلدىڭ شىلدەسىنەن 8974 توننا كۆوتا ءبولىنىپ، ونىڭ 2000 تونناسى ىسكە اسىرىلعان. «2022 - جىلعا اكۆاوسىرۋ ءونىمىنىڭ ونىمدىلىگى مەن ساپاسىن ارتتىرۋعا، سونداي- اق اسىل تۇقىمدى بالىق ءوسىرۋدى دامىتۋعا مەملەكەت تاراپىنان10500000 تەڭگە قاراجات بولىنگەن بولاتىن. 9600000 تەڭگەسى يگەرىلدى»، - دەدى ماڭعىستاۋ وبلىستىق بالىق شارۋاشىلىعى باسقارماسىنىڭ اكۆاوسىرۋ جانە سۋبسيديالاۋ ءبولىمىنىڭ باسشىسى عابيت بالعابايەۆ.
كاسىپشىلىك بالىق اۋلاۋ اۋماعى تەڭىز جاعالاۋىمەن 6 بالىق شارۋاشىلىعى اۋدانىنا، ونىڭ ىشىندە 33 ۋچاسكەگە بولىنگەن. ونىڭ 18- ءى ءتۇپقاراعان اۋدانى، ال 8- ءى قاراقيا اۋدانىنا تيەسىلى. قازىرگى تاڭدا 7 ۋچاسكە رەزەرۆتە تۇر.
«2021 - جىلى كاسىپشىلىك كۇش- جىگەرى بويىنشا 121 بريگادا، 610 بالىقشى تىركەلگەن ەدى. القازىرگى تاڭدا 162 بريگادا، 793 بالىقشى تىركەلگەن، ياعني ونىڭ الدىڭعى جىلمەن سالىستىرعاندا 23 پايىزعا ارتتى»، - دەدى ماڭعىستاۋ وبلىستىق بالىق شارۋاشىلىعى باسقارماسىنىڭ باس مامانى ابزال باقىتجان ۇلى.
اۆتور
ينديرا ساتەنباي
