23-تامىز. قازاقپارات كۇنتىزبەسى
اتاۋلى كۇندەر
حالىقارالىق قۇل ساۋداسى مەن ونى جويۋدى ەسكە الۋ كۇنى
جىل سايىنعى حالىقارالىق قۇل ساۋداسى مەن ونى جويۋدى ەسكە ءتۇسىرۋ كۇنى يۋنەسكو باس كونفەرەنتسياسىنىڭ 29 س/40 قارارىمەن جاريالانعان. مۇنداي شەشىم وسى ۇيىمنىڭ اتقارۋ كوميتەتىنىڭ 150- ءىنشى سەسسياسىنىڭ 8.2 قارارىندا جاسالعان ۇسىنىستار نەگىزىندە قابىلداندى. سانتو- دومينگو ارالىندا 1791 -جىلى 22- تامىزدان 23 -تامىزعا قاراعان ءتۇنى لاپ ەتكەن قۇلدار كوتەرىلىسىن ەستە قالدىرۋ ماقساتىندا وسى كۇن تاڭداپ الىنعان.
ەستە قالار وقيعالار
1996 -جىلى الماتى قالاسىندا، دوستىق داڭعىلى مەن جامبىل كوشەلەرىنىڭ قيىلىسىنا اقىن جامبىل جابايەۆتىڭ ەسكەرتكىشى ورناتىلدى. جوبا اۆتورلارى: ءمۇسىنشى ب. ابىشيەۆ، ساۋلەتكەرلەر - س. ك. بايماعامبەتوۆ، ت. ەراليەۆ، س. فازىلوۆ.
1996 -جىلى الماتىدا قىرعىز رەسپۋبليكاسىنىڭ ەلشىلىگى اشىلدى. 2010 -جىلى قازاقستاننىڭ ش ى ۇ- عا ءتوراعالىعى اياسىندا ۇيىمداعى قازاقستاندىق ءتوراعالىقتىڭ رەسمي لوگوتيپى بەكىتىلدى. رەسمي لوگوتيپ ش ى ۇ ەلتاڭباسىن قامتيدى. وندا قىران بەينەلەنگەن. قىراننىڭ استىندا ۇيىمنىڭ ەكى جۇمىس تىلىندە (ورىس، قىتاي) «قازاقستان» دەپ جازىلعان. ەكى بۇيىرىندە – ش ى ۇ- دا قازاقستاننىڭ ءتوراعالىق ەتۋ جىلدارى - 2010-2011 -جىلدار دەپ جازىلعان.
2011 -جىلى ق ر ۇلتتىق بانكى ءال- فارابي بەينەسىمەن نومينالى 500 تەڭگەلىك التىن مەدالدى اينالىمعا شىعاردى. مونەتا 999 سىنامالى التىننان ازىرلەندى، سالماعى - 7,78 گرامم، ديامەترى - 21,87 م م، دايىنداۋ ساپاسى - «proof» ، تارالىمى - 4 مىڭ دانا.
2012 -جىلى بىشكەكتە تۇركى تىلدەس مەملەكەتتەر ىنتىماقتاستىعى كەڭەسى Ⅱسامميتىنىڭ دەكلاراتسياسىنا قول قويىلدى. قۇجاتقا قازاقستان، تۇركيا، قىرعىزستان پرەزيدەنتتەرى مەن ازەربايجان پرەمەر- ءمينيسترى قول قويدى. وسى سامميتتە تۇركى كەڭەسىنىڭ تۋى بەكىتىلدى.
2013 -جىلى استانادا مادەنيەتتەردى جاقىنداستىرۋدىڭ حالىقارالىق ونجىلدىعىن ۇلىقتاۋعا وراي وتكىزىلگەن فورۋم اياسىندا الاكول قورىعىنا ءبىلىم، عىلىم جانە مادەنيەت ماسەلەلەرى جونىندەگى بىرىككەن ۇلتتار ۇيىمىنىڭ (يۋنەسكو) بيوسفەرالىق رەزەرۆات مارتەبەسىن بەرۋ ءراسىمى ءوتتى. الاكول بيوسفەرالىق رەزەرۆاتىنىڭ يۋنەسكو- نىڭ دۇنيەجۇزىلىك جەلىسىنە قوسىلۋى ايماقتىڭ قايتالانباس تابيعاتىن ساقتاۋعا، سونىمەن قاتار قازاقستاننىڭ ەكونوميكاسى مەن تۋريستىك الەۋەتىن جان- جاقتى دامىتۋعا كومەكتەسەدى. ديپلومدى يۋنەسكو- نىڭ باس ديرەكتورى يرينا بوكوۆا بەردى.
2013 -جىلى WBA تۇجىرىمى بويىنشا الەم چەمپيونى گەننادي گولوۆكينگە قاراعاندى قالاسىنىڭ قۇرمەتتى ازاماتى توسبەلگىسى مەن ديپلومى تابىس ەتىلدى.
2013 -جىلى يۋنەسكو باس ديرەكتورى يرينا بوكوۆا ورتا ازياعا جاساعان رەسمي ساپارى اياسىندا استانادا سەرىك ساپييەۆكە يۋنەسكو- نىڭ سپورت جونىندەگى ەلشىسى مانداتىن تاپسىردى. ءبىر اي بۇرىن سەرىك ساپييەۆ «سپورتتان يۋنەسكو چەمپيونى» قۇرمەتتى اتاعىنا لايىق دەپ تانىلعان بولاتىن. ساپيەۆ وسى اتاققا قول جەتكىزگەن الەمدەگى 13- سپورتشى بولدى.
2016 -جىلى جاپونيا استاناسى توكيوداعى «دايگو فۋكۋريۋ- مارۋ» مۋزەيىندە يادرولىق سىناقتارعا قارسى حالىقارالىق كۇنگە ارنالعان مەموريالدىق پانەلدىڭ اشىلۋ سالتاناتى ءوتتى. وندا سەمەي پوليگونى، «نيەۆادا- سەمەي» قوزعالىسى، ق ر پرەزيدەنتى نۇرسۇلتان نازاربايەۆتىڭ سەمەي يادرولىق پولگونىن جابۋ تۋرالى تاريحي شەشىمى جانە ت. ب. جونىندە اقپارات قويىلعان.
2018 -جىلى «قازاتومونەركاسىپ» ۇلتتىق اتوم كومپانياسى» ا ق وكىلى داۋرەن الىبايەۆ العاش رەت WNFM (World Nuclear Fuel Market - دۇنيەجۇزىلىك يادرولىق وتىن نارىعى) قاۋىمداستىعى باسشىلارىنىڭ قۇرامىنا كىردى. تاعايىنداۋ مونتەرەيدەگى (ا ق ش) جىل سايىنعى WNFM كەزدەسۋىندە داۋىس بەرۋ ناتيجەسىندە جاريالاندى. العاش رەت «قازاتومونەركاسىپتىڭ» WNFM كەڭەسىندە ءوزىنىڭ وكىلى پايدا بولدى.
2019 -جىلى ءۇندىستاننىڭ نيۋ- دەلي قالاسىندا ءال- فارابي اتىنداعى قازاق- ءۇندى عىلىمي- ءبىلىم جانە مادەني ورتالىعى اشىلدى. جوبا ءال- فارابي اتىنداعى قازاق ۇلتتىق ۋنيۆەرسيتەتى جانە قازاقستاننىڭ ءۇندىستانداعى ەلشىلىگىنىڭ قولداۋىمەن جۇزەگە اسىرىلدى. ورتالىقتىڭ اشىلۋى 2020 -جىلى يۋنەسكو- نىڭ قولداۋىمەن كەڭ كولەمدە اتاپ وتىلەتىن ءال- فارابيدىڭ 1150 جىلدىعىنا ارنالعان.
