قازگيدرومەت: 23-قازاندا ەل اۋماعىنىڭ باسىم بولىگىندە جەل كۇشەيىپ، تۇمان تۇسەدى

سارسەنبىدە ەل اۋماعىنىڭ باسىم بولىگىندە انتيتسيكلون اسەرىنەن جاۋىن-شاشىنسىز اۋا رايى كۇتىلەدى، تەك باتىستا، سولتۇستىك-باتىستا جانە سولتۇستىكتە اتموسفەرالىق اعىنداردىڭ وتۋىنە بايلانىستى اۋا رايى قۇبىلمالى بولادى، كەي جەرلەرىندە جاۋىن-شاشىن جاۋادى (جاڭبىر، قار).

رەسپۋبليكانىڭ كەي جەرلەرىندە جەل كۇشەيەدى، تۇمان ءتۇسۋى ىقتيمال، سولتۇستىك-باتىستا جانە سولتۇستىكتە كوكتايعاق، سولتۇستىكتە جاياۋ بۇرقاسىن كۇتىلەدى.

سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن، تۇندە باسىم بولىگىندە جەل 15-20، كەي جەرلەردە ەكپىنى 25 م/س كۇشەيەدى.

قوستاناي، اقمولا، الماتى، شىعىس قازاقستان وبلىستارىنىڭ كەي جەرلەرىندە تۇمان تۇسەدى، جەلدىڭ جىلدامدىعى 15-20 م/س.

قوستاناي، اقمولا وبلىستارىندا كوكتايعاق كۇتىلەدى.

پاۆلودار وبلىسىنىڭ كەي جەرلەرىندە كوكتايعاق بولادى، جەل 15-20 م/س كۇشەيەدى.

جامبىل، ماڭعىستاۋ، اتىراۋ، تۇندە جانە تاڭەرتەڭ قاراعاندى وبلىستارىنىڭ كەي جەرلەرىندە تۇمان ءتۇسۋى ىقتيمال.

تۇندە تۇركىستان وبلىسىنىڭ كەي جەرلەرىندە ۇسىك جۇرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى