وليمپيادانىڭ 23 -اقپانداعى ناتيجەسى: مەدالدىق كەستە قالاي وزگەردى

جۇما كۇنگى جارىستاردىڭ قورىتىندىسى بويىنشا، جالپى ەسەپتە ءبىرىنشى ورىندى ءالى دە نورۆەگيا قۇراماسى يەلەنۋدە. ولاردىڭ قورجىنىندا 13 التىن، 14 كۇمىس جانە 10 قولا (37) مەدال بولسا، ەكىنشى ورىندا كەلە جاتقان گەرمانيانىڭ ەنشىسىندە 13 «التىن»، 7 «كۇمىس» جانە 6 «قولا» (26) بار.

ۇزدىك ءۇشىنشى ورىنعا كانادا سپورتشىلارى ورنالاسىپ وتىر - 10 التىن، 8 كۇمىس جانە 9 قولا مەدال (27) .

8 «التىن»، 7 «كۇمىس» جانە 6 «قولامەن» (21) ا ق ش قۇراماسى - ءتورتىنشى، 8 التىن، 6 كۇمىس جانە 4 قولا (18) مەدالمەن نيدەرلاندى ەلى بەسىنشى ورىندا تۇر.

ال قازاقستان سپورتشىلارى ءبىر «قولامەن» 27- ورىندا كەلەدى.

بۇعان دەيىن حابارلاعانىمىزداي، 24 -اقپان كۇنى وتانداستارىمىز سپورتتىڭ ەكى تۇرىنەن سىنعا تۇسەدى.

ەسكە سالايىق، 9 -اقپاندا الاۋى تۇتانعان اق وليمپيادا ويىندارىنا قازاقستان سپورتشىلارى 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال جالپى وليمپيادادا سپورتتىڭ 15 تۇرىنەن 102 مەدال جيىنتىعى ساراپقا سالىنۋدا. جارىستار 25 اقپاندا اياقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى