بيۋدجەتتىك قارجىدان 23 ميلليون تەڭگە «جەپ» قويعاندار سوتتالدى

ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، اتالعان ەكەۋ ەمحانا قىزمەتكەرلەرىنىڭ قولدارىن جالعان قويۋ جانە جالاقىلارىن زاڭسىز اۋدارۋ جولىمەن 23 ميلليون تەڭگە بيۋدجەت قاراجاتىن جىمقىرعان.

سوت ۇكىمىمەن ءارقايسىسىن 5 جىل مەرزىمگە جاۋاپتى قىزمەتتەردى اتقارۋ قۇقىعىنان ايىرۋ جانە مۇلكىن تاركىلەۋمەن بىرگە ا. مۇحتاروۆا 7  جىل 6 اي، ن. سامارتسيەۆا 6  جىل مەرزىمگە سوتتالدى.

پروكۋروردىڭ مۇحتاروۆا مەن سامارسيەۆادان 23159822 تەڭگە كولەمىندە كەلتىرىلگەن زالالدى مەملەكەت پايداسىنا ءوندىرۋ تۋرالى ازاماتتىق تالاپ ارىزى تولىق قاناعاتتاندىرىلدى.

اتالعان قىلمىستىق ءىس ورال قالاسى پروكۋراتۋراسىنىڭ «وبلىستىق ستوماتولوگيالىق بالالار ەمحاناسى» م ك ك قىزمەتىن سىبايلاس جەمقورلىققا قارسى كۇرەس زاڭناماسىنىڭ ساقتالۋىنا قاتىستى تەكسەرۋى ناتيجەسىندە قوزعالعان بولاتىن. تەرگەۋ امالدارىن بقو پروكۋراتۋراسىنىڭ ارنايى پروكۋرورى جۇرگىزدى.

 ۇكىم زاڭدى كۇشىنە ەنگەن جوق.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى