استانا ۆوكزالىندا 23 جاستاعى قىز جالعان اقشامەن ۇستالدى
«4- اقپاندا استانا قالاسى تەمىرجول ۆوكزالىنىڭ جەلىلىك پوليتسيا ءبولىمى مەن كولىكتەگى ءى ءى د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى بىرلەسىپ تەمىرجول ۆوكزالىندا نومينالى 2 مىڭ تەڭگەلىك 64 كۋپيۋرانى، سونىمەن قاتار، 1 مىڭ تەڭگەلىك 6 دانا جالپى سوماسى 134 مىڭ تەڭگە جالعان كۋپيۋرانى تاركىلەدى»، - دەلىنگەن باسپا ءسوز بايانىندا.
تەكسەرىس بارىسىندا كۋپيۋرالاردا بەلگىلەنگەن ستاندارتتارعا سايكەس بەلگىلەردىڭ جوق ەكەنى انىقتالدى. «ساراپشىنىڭ قورىتىندىسىنا سايكەس، تاركىلەنگەن كۋپيۋرالاردىڭ ق ر ۇلتتىق بانكىنىڭ اقشا بەلگىلەرىنىڭ ۇلگىسىنە سايكەس كەلمەيتىنى بەلگىلى بولدى. سونىمەن قاتار، ولاردىڭ پرينتەردىڭ كومەگىمەن جاسالعانى انىقتالدى»، - دەلىنگەن حابارلامادا.
قازىرگى تاڭدا ق ر قىلمىستىق كودەكسىنىڭ 231-بابى 1-بولىگى («جالعان اقشا نەمەسە باعالى قاعازدار جاساۋ، ساقتاۋ، الىپ ءوتۋ نەمەسە وتكىزۋ») بويىنشا سوتقا دەيىنگى تەرگەۋ امالدارى باستالدى. ماتەريال ودان ءارى تەرگەۋ شارالارىن جۇرگىزۋ ءۇشىن استانا قالالىق مەملەكەتتىك كىرىستەر دەپارتامەنتىنە جىبەرىلدى، تەرگەۋ امالدارى ءجۇرىپ جاتىر.
