الماتىدا 23 جاستاعى قىرعىزستاننان كەلگەن «جەڭگەتاي» قىز ۇستالدى

ۇيىمداسقان قىلمىسقا قارسى كۇرەس باسقارماسىنىڭ حابارلاۋىنشا، 23 جاستاعى بويجەتكەن جانسۇگىروۆ كوشەسىنىڭ بويىنداعى قوناق ۇيلەردىڭ بىرىندە جەزوكشەلەر ورداسىنىڭ جۇمىسىن ۇيلەستىرىپ كەلگەن.

«قازىر ازاماتشاعا قارسى ق ر ق ك 309-بابى بويىنشا (جەزوكشەلەر ورداسىن ۇيىمداستىرۋ، جەزوكشەلىكپەن اينالىسۋدى ۇيىمداستىرۋ، جەڭگەتايلىق) تەرگەۋ جۇمىستارى قوزعالدى»، - دەدى ءى ءى د ۇيىمداسقان قىلمىسپەن كۇرەس باسقارماسىنىڭ باسشىسى تاڭات نازانوۆ.

ونىڭ ايتۋىنشا، قوعامدىق ورىنداردا جىنىستىق قاتىناس قىزمەتىن ۇسىنعان بويجەتكەندەرگە قارسى قالالىق پوليتسيا كەشەندى جوسپار قۇرعان.

«وتكەن جىلى 96 قوناق ۇيدە جەزوكشەلەردىڭ قىزمەتى ۇسىنىلاتىنى انىقتالدى. ولاردىڭ يەلەرىنە 26 ميلليون تەڭگە كولەمىندە ايىپپۇل سالىندى. ءبىزدىڭ ۇسىنىسىمىزبەن 9 قوناق ءۇيدىڭ جۇمىسى توقتاتىلدى»، - دەپ قورىتىندىلادى ت. نازانوۆ.

2014-جىلى الماتى پوليتسياسى جەزوكشەلىكتى ۇيىمداستىرۋ بويىنشا 100 قىلمىستى اشكەرەلەدى. ونىڭ ىشىندە 2 جاعدايدا كامەلەتتىك جاسقا تولماعان جاس جەتكىنشەكتەر ساۋدالانعان.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى