ۇلتتىق ۇلاننىڭ قۇرىلعانىنا - 23 جىل

مەرەكە اياسىندا مەملەكەت تۇراقتىلىعى مەن تىنىشتىعىن كۇزەتەتىن قارۋلى قۇرىلىم ساپى جاڭا ساربازدارمەن تولىقتى. كەشە ەلىمىزدىڭ 11 ايماعىندا ورنالاسقان ۇلتتىق ۇلان بولىمدەرىندە انت قابىلداۋ ءراسىمى ءوتتى. استانا قالاسىنداعى 36/60 اسكەري ءبولىمىنىڭ جەكە قۇرامىن 45 وتان قورعاۋشى تولىقتىردى.

بارلىعى - الماتى وبلىسىنان كەلگەن جاس جاۋىنگەرلەر. ال جالپى استانا گارنيزونى بويىنشا مىڭنان اسا جاس سارباز اسكەري قىزمەتىنە كىرىستى.

مارات ارىنوۆ، «3660» اسكەري ءبولىم كومانديرى: - وتانعا، ەلگە، ەلباسىنا، ءوزىنىڭ ەڭبەگىنە، اسكەري ومىرىنە دەگەن ادال قىزمەتىن اتقارۋعا وزدەرىنىڭ انتىن بەردى. بۇل - اتا-بابامىزدان كەلە جاتقان سالت. ءاربىر جاۋىنگەر ءوزىنىڭ ەلىنە ناعىز قورعاۋشى بولۋ ءۇشىن انت قابىلداۋ كەرەك.

جاسۇلان ءالىمقۇلوۆ، ق ر ۇلتتىق ۇلانى ساربازى: - مەن ءۇشىن ۇلكەن قۇرمەت - انت قابىلداۋ. سەبەبى مەن ءوزىم اسكەر قاتارىندا 1 جىلدىق بورىشىمدى وتەۋگە، وتان الدىنداعى بورىشىمدى وتەۋگە دايىنمىن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى