جاستار اراسىنداعى جۇمىسسىزدىقتى جويۋعا ارنالعان 23 جوبا جۇزەگە اسىرىلىپ جاتىر

-  قىزىلوردا وبلىسىندا جاستار ساياساتىنا ۇلكەن كوڭىل بولىنۋدە. 2014-جىلى بارلىق اۋدان، قالا كولەمىندە جاستاردى قولداۋ ورتالىعىنىڭ قىزمەتى ۇيىمداستىرىلىپ، جاستار ساياساتىن قارجىلاندىرۋ 4 ەسەگە ارتىپ وتىر. «جۇمىسپەن قامتۋدىڭ جول كارتاسى -2020» باعدارلاماسىنىڭ بارلىق مۇمكىندىكتەرىن كەڭىنەن پايدالانا وتىرىپ، بيىلعى جىلى جۇمىسسىزدىق دەڭگەيىن 5 پايىزعا دەيىن تومەندەتە الدىق. بۇل كورسەتكىشتى ودان ءارى تومەندەتۋىمىز كەرەك، - دەدى وبلىس اكىمى.

بۇگىنگى كۇنى قوعامدا الاڭداۋشىلىق تۋعىزىپ وتىرعان مارگينال جاستار جاعدايى دا نازاردان تىس قالمادى. وبلىستىق جاستار ساياساتى ماسەلەلەرى باسقارماسى باسشىسىنىڭ مىندەتىن اتقارۋشى گۇلميرا نۇربايەۆا NEET ساناتىنا جاتاتىن جاستارمەن جۇمىس جاساۋ جونىندە وبلىس كولەمىندە 23 الەۋمەتتىك جوبا جۇزەگە اسىرىلىپ، ءتۇرلى شارالار، ترەنينگتەر ۇيىمداستىرىلىپ جاتقانىن ايتتى.

مارگينال جاستاردىڭ بازاسىن ءار توقساندا ءبىر رەت جاساپ وتىرۋ، جاستاردى كاسىپكەرلىككە تارتۋ، مۇمكىندىگى شەكتەۋلى جاستاردى جۇمىسقا ورنالاستىرۋ، ولاردى تۇرعىن ۇيمەن قامتاماسىز ەتۋ، اۋىل جاستارىنىڭ ماسەلەلەرىن شەشۋ جونىندە ءبىرقاتار ۇسىنىستار جاسالدى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى