قىتاي پوليسياسى شىنجاڭدا 23 ەكسترەميستىك توپتى قۇرىقتادى

قولعا تۇسكەندەردىڭ ءبارى ەكسترەميستىك ماتەريالداردى زەرتتەپ، جارىلعىش زاتتاردى دايىنداۋ تاجىريبەسىمەن الماسقان. شارا بارىسىندا 200 دەن استام جارىلعىش زات تاركىلەندى، - دەپ حابارلايدى ريا نوۆوستي.

ايتا كەتەيىك، قىتايدا 1  جىلدىق مەرزىممەن انتيتەرروريستىك وپەراتسيا باستالدى. رەيد نەگىزىنەن يسلام ءدىنىن ۇستاناتىن ۇيعىرلار مەكەن ەتەتىن ش ۇ ا ءو-نىڭ وڭتۇستىك وكرۋگتەرىندە جۇرگىزىلدى.

شىنجاڭ - قاۋىپسىزدىك تۇرعىسىنان العاندا بۇل ەلدەگى ەڭ تۇراقسىز ولكە. قىتاي بيلىگى حابارلاعانداي، وندا «شىعىس تۇركىستان» تەرروريستىك توبى ارەكەت ەتەدى. ولاردىڭ، مالىمەتتەر بويىنشا، «ءال-كايدامەن» بايلانىسى بار بولۋى مۇمكىن.

سوڭعى جارتى جىلدا قىتايدا ءىرى بىرنەشە تەرراكت ورىن الدى. ەستەرىڭىزگە سالا كەتەيىك، سوڭعى تەرراكت 22 - مامىر كۇنى ۇيعىر اۆتونوميالىق ولكەسىنىڭ ءۇرىمجى قالاسىنداعى بازاردا بولىپ، جارىلىستان 39 ادام قازا تاۋىپ، 90 نان استامى جاراقاتتاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى