الماتى وبلىسىنىڭ پوليتسەيلەرى ەكى تاۋلىكتە 23 بارىمتاشىنى ۇستادى

بۇل تۋرالى ءى ءى د باسپاءسوز قىزمەتىنەن كوبەيحان نۇراحمەت حابارلادى.

ك. نۇراحمەتتىڭ ايتۋىنشا، 12-15-مامىر ارالىعىندا الماتى وبلىسىنىڭ اۋماعىندا «مال ۇرلاۋ» جەدەل الدىن الۋ ءىس- شاراسى وتكىزىلۋدە. ءىس- شاراعا بارلىق پوليتسەي قىزمەتى تارتىلدى.

قۇقىق قورعاۋشىلار ەت نارىقتارىن، مال سوياتىن، شۇجىق تسەحتارىن، سونداي- اق ەت ونىمدەرىن كوتەرمە وتكىزەتىن ادامداردى تەكسەردى.

وڭىردە جۇمىلدىرىلعان جول- پاترۋلدىك پوليتسياسىنىڭ باقىلاۋ- وتكىزۋ پوستتارىندا مال مەن ەت ونىمدەرىن تاسىمالداۋعا باقىلاۋ ەداۋىر كۇشەيتىلدى.

«ءار كەزەڭدە ۇرلانعان 80 باس مال ىزدەستىرىلىپ، ەكى كۇندە 57 ءسى زاڭدى يەلەرىنە تابىستالدى» ، - دەدى ءى ءى د وكىلى.

شارا بارىسىندا ءىزىن سۋىتپاي 5 ۇرلىق فاكتىسى اشىلدى.

بۇدان باسقا پوليتسەيلەر قابىلداعان شارالار ناتيجەسىندە مال ۇرلاۋعا قاتىستى جاسالعان 16 قىلمىس اشىلدى، ولاردىڭ التاۋى «بىلتىرعى جىل» ساناتىنا جاتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى