جامبىل وبلىسى: قۇربان ايتتىڭ ءبىرىنشى كۇنى 23495 وتباسىعا ەت ۇلەستىرىلدى
قاساپحانالاردى ق م د ب- نىڭ جامبىل وبلىسى بويىنشا باس يمامى بەيبىت مىرزاگەلديەۆ باستاعان يمامدار باقىلاۋدا ۇستاپ، قۇرباندىققا شالىنعان مالدىڭ ەتىن كومەك الۋعا تىركەلگەن وتباسىلارعا تاراتىپ بەرۋدە.
ايتا كەتەيىك، الەۋمەتتىك جاعدايى تومەن وتباسىلاردى تىركەۋ qurban2023.kz سايتى بويىنشا جۇرگىزىلگەن بولاتىن. ناتيجەسىندە ءبىر كۇن ىشىندە جامبىل وبلىسى بويىنشا 23495 وتباسى ەتتەي كومەك الىپ ۇلگەردى.
ەت ەرىكتى جاستاردىڭ كومەگىمەن مۇقتاج جانداردىڭ مەكەنجايلارىنا جەتكىزىلىپ بەرىلدى.
ايتا كەتەيىك، بۇعان دەيىن جامبىل وبلىسىندا ءتورت تۇلىكتى اسىلداندىرۋ جۇمىستارى باستالعانىن جازعان بولاتىنبىز. وسى ماقساتتا كوكدونەن اۋىلدىق وكرۋگىنىڭ تۇرعىندارىنا كەلەسى جىلدىڭ كوكتەمىنەن باستاپ «اسىلداندىرۋ باعدارلاماسى» قولجەتىمدى بولادى. ناتيجەسىندە ەت ونىمدەرى دە ءبىرشاما كوبەيۋى ءتيىس.
جامبىلدا يگەرىلمەگەن 379 مىڭ گەكتار جايىلىم جەر مەملەكەت مەنشىگىنە قايتارىلعانىن جازعان بولاتىنبىز.
شارۋا قوجالىقتارىنىڭ جەرلەرىنە كەدەرگىسىز مال جايۋعا 510 مىڭ گەكتارعا مەموراندۋم جاسالىپ، يگەرىلمەگەن 379 مىڭ گەكتار جايىلىم جەر مەملەكەت مەنشىگىنە قايتارىلدى. ناتيجەسىندە، جەتىسپەيتىن جايىلىم جەرلەردىڭ كولەمى 683,6 مىڭ گەكتاردان 164 مىڭ گەكتارعا قىسقاردى.
