سارىاعاشتا 23 جاستاعى كەلىنشەك 6 بالانىڭ اناسى اتاندى
تۇڭعىشىن 18 جاسىندا بوسانعان جاس انا №1-وبلىستىق پەريناتالدى ورتالىقتا دۇنيەگە ۇشەم الىپ كەلدى. دارىگەرلەردىڭ ايتۋىنشا، جۇكتى ايەلدىڭ دەنساۋلىعى سىر بەرىپ، سابيلەرىن مەرزىمىنەن ەرتە - سەگىز ايدا بوسانعان. انا مەن بالا ومىرىنە قاۋىپ توندىرمەس ءۇشىن دارىگەرلەر ايەلدى كەسار تىلىگى ارقىلى بوساندىرعان. ەكى ۇل مەن ءبىر قىزدى ومىرگە الىپ كەلگەن جاس انا مەن نارەستەلەردىڭ جاعدايى جاقسى جانە دارىگەرلەردىڭ ارنايى كۇتىمىندە.
كوپ بالالى انانىڭ دارىگەرلەرگە ايتار العىسى شەكسىز. سابيلەردىڭ سالماعى 2170 گرامم، 2100 جانە 2615 گرامم. وتباسىمەن اقىلداسا كەلە نارەستەلەرگە اقجان، مارجان جانە باقجان ەسىمدەرىن بەرگەن. جاس وتباسىنىڭ 1 ۇل، 2 قىزى بار. جالپى، تۇركىستانداعى وبلىستىق ءنومىرى 1- پەرزەنتحانادا بيىل 155 ەگىز جانە 3 ۇشەم دۇنيەگە كەلگەن. وبلىستىق قوعامدىق دەنساۋلىق باسقارماسىنىڭ مالىمەتىنشە، ايماقتا تۋۋ كورسەتكىشى دە بىلتىرعى جىلمەن سالىستىرعاندا ارتقان. جىل باسىنان بەرى وڭىردە 45030 ءسابي تۋعان.
