ميىنا زاقىم كەلىپ، قايتىس بولعان 23 جاسار الماتىلىق جىگىتتىڭ اعزالارى 4 ادامنىڭ ءومىرىن قۇتقاردى

 بۇل تۋرالى بۇگىن الماتى قالالىق №7 اۋرۋحاناسىنىڭ باس دارىگەرى بايماحانوۆ بولاتبەك حابارلادى.

قازىرگى تاڭدا الەكساندردىڭ جۇرەگى استاناعا جىبەرىلسە، ءبىر بۇيرەگى سىزعانوۆ اتىنداعى حيرۋگيا ورتالىعىنا جىبەرىلدى.

 «بىزدە ءبىرىنشى رەت قايتىس بولعان ادامنىڭ اعزا مۇشەلەرىن اۋىستىرۋ بويىنشا العاشقى وتا جاسالدى. مۇنداي وپەراتسيالاردى جاساۋگا مەملەكەت ۇلكەن قولداۋ كورسەتىپ كەلەدى. «سالاماتتى قازاقستان» باعدارلاماسى اياسىندا جۇزەگە اسىرىلىپ وتىر. قايتىس بولعان ادامنان الىنعان مۇشەلەردى قابىلداعان ادامداردىڭ قازىر جاعدايلارى تۇراقتى. شىعۋعا دايىندالىپ كەلەدى»، - دەدى قالانىڭ باس ترانسپلانتولوگى بايماحانوۆ بولاتبەك.

 دونوردىڭ باۋىرى قاڭتاردىڭ 5 - كۇنى 1974 - جىلى تۋىلعان كەلىنشەككە، ءبىر بۇيرەگى 1968 - جىلى تۋىلعان ەر ادامعا سالىندى. وتا 8 ساعاتقا سوزىلعان.

ەلىمىزدە بىلتىر 222 ترانسپلانتولوگيالىق وتا جاسالدى. ونىڭ ىشىندە جۇرەككە - 7, باۋىرعا - 25, قالعانى بۇيرەك اۋىستىرۋ بويىنشا جاسالدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى