پاۆلوداردا اقسۋ تۇرعىنىنان 22 ميلليون تەڭگە بوپسالاپ العان كۇدىكتىلەر ۇستالدى
پاۆلودار وبلىسى پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى انىقتاعانداي، سوڭعى ەكى جىل ىشىندە بەلگىسىز ادامدار جابىرلەنۋشىدەن ار- نامىس پەن قادىر- قاسيەتكە نۇقسان كەلتىرەتىن بەينەجازبالاردىڭ تارالۋىنا قاۋىپ ءتوندىرىپ، ءىرى مولشەردە اقشا بوپسالادى. جالپى، كۇدىكتىلەر 22 ميلليون تەڭگەدەن استام قاراجات العان. بۇل ادامدارعا اقشا بەرۋگە مۇمكىندىگى جوق قالا تۇرعىنى پوليتسياعا ارىزبەن جۇگىندى. - ارنايى ءىس- شارالاردى وتكىزۋ بارىسىندا پاۆلودار پوليسەيلەرى، «ارلان» ارنايى بولىمشەسىنىڭ قاتىسۋىمەن كەزەكتى اقشالاي قاراجاتتى بەرۋ كەزىندە پاۆلودار قالاسىنىڭ ءۇش تۇرعىنى قورقىتۋ ارقىلى اقشا بوپسالادى دەگەن كۇدىكپەن ۇستالدى. ۇستالعان كەزدە وبلىس ورتالىعىنىڭ تۇرعىندارى بەلسەندى قارسىلىق كورسەتكەنىن اتاپ وتكەن ءجون. جاسىرىنۋعا تىرىسىپ، پوليتسيا قىزمەتكەرىن كولىكپەن قاعىپ كەتتى. ۇستالعاندارعا قاتىستى بۇلتارتپاۋ شاراسى - قاماۋعا الۋ تاڭدالدى. ۇستالعانداردىڭ ءبىرى بۇرىن قىلمىستىق جاۋاپكەرشىلىككە تارتىلعان. وسى فاكت بويىنشا قازىرگى ۋاقىتتا قازاقستان رەسپۋبليكاسى ق ك- ءنىڭ 194-بابى بويىنشا سوتقا دەيىنگى تەرگەۋ جۇرگىزىلىپ جاتىر، - دەدى پاۆلودار وبلىسى پ د ۇيىمداسقان قىلمىسقا قارسى كۇرەس باسقارماسىنىڭ باستىعى عابيت قابدراحمانوۆ.
قازاقستان رەسپۋبليكاسى كونستيتۋتسياسىنىڭ 77-بابى 3-تارماعىنىڭ 1-تارماقشاسىنا، قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 19-بابى 1-بولىگىنە سايكەس ونىڭ كىناسى سوتتىڭ زاڭدى كۇشىنە ەنگەن ۇكىمىمەن تانىلعانعا دەيىن ادام قىلمىس جاساعانى ءۇشىن كىنالى ەمەس دەپ ەسەپتەلەدى.
