پاتەر توناۋشى 22 جاستاعى قىزعا قاتىستى پوليتسيا تۇسىنىك بەردى
«قۇرمەتتى تۇرعىندار، بۇل قىزدىڭ ەسىمى قۇلماعامبەتوۆا داميرا، 22 جاستا. كاسىبي پاتەر توناۋشى. قۇلىپتى كىلتتەردى تاڭداۋ ارقىلى جانە باسقا دا جولدارمەن اشىپ الادى.. . جانىندا كولىك مىنگەن ورتا بويلى، اققۇبا جىگىت بولۋى مۇمكىن. قىراعى بولىڭىزدار، ءۇيدىڭ كىرەبەرىسىنە كىرگىزبەڭىزدەر»، - دەلىنگەن ەدى قىزدىڭ فوتوسى قوسا بەرىلگەن حابارلامادا.
اباي وبلىستىق پوليسيا دەپارتامەنتىنىڭ كريمينالدىق پوليتسيا باسقارماسى اتالعان اقپاراتقا تەكسەرۋ جۇرگىزىپ، ونىڭ جالعان ەكەنىن انىقتادى.
«اتالعان ازاماتشا وسىعان دەيىن اكىمشىلىك جانە قىلمىستىق جاۋاپكەرشىلىككە تارتىلماعان.
ق ر قىلمىستىق كودەكسىنىڭ 274-بابى 2-بولىگىنە سايكەس بۇقارالىق اقپارات جانە تەلەكوممۋنيكاتسيا جەلىلەرى ارقىلى كورىنەۋ جالعان اقپارات تاراتقانى ءۇشىن ايىپپۇل نەمەسە 3 جىلعا دەيىن باس بوستاندىعىنان ايىر جازاسى قاراستىرىلعان»، - دەدى پوليسيادان.
ال داميرا قۇلماعامبەتوۆا مۇنداي اقپاراتتىڭ تارالۋىنا اپكەسىن كىنالاپ وتىر. سوزىنشە، بالالارمەن جۇمىس ىستەيتىن پەداگوگتىڭ مۇنداي قادامعا نەلىكتەن بارعانىن قۇزىرلى مەكەمەلەر انىقتايتىن بولادى.
