الماتىدا 22 جىل بۇرىن جاسالعان قىلمىس اشىلدى
بۇل تۋرالى الماتى قالالىق پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆ Facebook-تە جازدى، دەپ حابارلايدى قازاقپارات ءتىلشىسى.
قالالىق پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆتىڭ ايتۋىنشا، وسىدان 22 جىل بۇرىن جاسالعان قىلمىس تىكەلەي كۋاگەرلەردىڭ جوقتىعىنان، تەك جاناما ايعاقتاردىڭ بولۋىنان كوپكە دەيىن اشىلماعان. دەگەنمەن، تەرگەۋشىلەردىڭ ساۋاتتى جۇمىس الگوريتمى ارقىلى قىلمىس اشىلدى.
«ناتيجەسىندە، 2021 -جىلعى 26-جەلتوقساندا كۇدىكتى انىقتالىپ، ۇستالدى. ول 1965 -جىلى 26 -قاراشادا تۋعان ك. ەسىمدى ازامات بولىپ شىقتى. وعان قاتىستى «قاماۋدا ۇستاۋ» بۇلتارتپاۋ شاراسى تاڭدالدى. اعىمداعى جىلدىڭ 1-اقپان كۇنى قىلمىستىق ءىس بويىنشا الماتى قالاسى پ د تەرگەۋ باسقارماسىنىڭ تەرگەۋشىلەرى مەن باسشىلارىنىڭ ەسەپتەرىن تىڭدادىم. قوسىمشا تەرگەۋ ارەكەتتەرىن جۇرگىزۋ جانە اقپان ايىندا ق ر قىلمىستىق- پروتسەستىك كودەكسىنىڭ 300-بابىنا سايكەس ءىس ماتەريالدارىن جولداۋ (ايىپتاۋ اكتىسىن جانە قىلمىستىق ءىستى پروكۋرورعا جولداۋ) تۋرالى تاپسىرمالار بەرىلدى»، - دەپ جازدى Facebook-تە رۋستام ابدراحمانوۆ.
