جامبىلدا بەس كۇندە ماس كۇيىندە كولىك جۇرگىزگەن 22 ادام ۇستالدى
جۇرگىزۋشىلەر اراسىندا كولىك ءتارتىبىن ارتتىرۋ، جول- كولىك وقيعالارىنىڭ سانىن ازايتۋ، سونداي- اق جول قوزعالىسى ەرەجەلەرىن بۇزۋدىڭ الدىن الۋ ماقساتىندا وبلىس اۋماعىندا «قاۋىپسىز جول» جەدەل- الدىن الۋ ءىس- شاراسى ءوتىپ جاتىر.
شارا بارىسىندا وبلىس جولدارىندا، اسىرەسە تۇنگى ۋاقىتتا پاترۋلدىك پوليتسيا جاساقتارىنىڭ تىعىزدىعى ارتتىرىلدى. اتالعان ءىس- شارالار شەڭبەرىندە بەس كۇننىڭ ىشىندە پوليتسيا قىزمەتكەرلەرى جول قوزعالىسى ەرەجەلەرىن بۇزۋعا قاتىستى 3447 اكىمشىلىك بۇزۋشىلىقتى انىقتاپ، جولىن كەستى. ونىڭ ىشىندە 327 ورەسكەل بۇزۋ دەرەگى، ونىڭ 37 ء ى قوعامدىق كولىك جۇرگىزۋشىلەرى تاراپىنان جاسالعان. «مەملەكەتتىك نەمەسە مىندەتتى تەحنيكالىق بايقاۋدان وتپەگەن كولىك قۇرالىن باسقارۋدىڭ 119 دەرەگى انىقتالدى.
باعدارشامنىڭ تىيىم سالاتىن بەلگىسىنە قاراماستان جۇرگەنى ءۇشىن 75 جۇرگىزۋشى، جاياۋ جۇرگىنشىلەرگە نەمەسە جول ءجۇرىسىنىڭ وزگە دە قاتىسۋشىلارىنا قوزعالىس كەزىندە باسىمدىق بەرمەگەنى ءۇشىن 54 جۇرگىزۋشى جانە اپاتتىق جاعداي تۋعىزۋعا اكەپ سوققان جول قوزعالىسى قاعيدالارىن بۇزعانى ءۇشىن 34 جۇرگىزۋشى جاۋاپكەرشىلىككە تارتىلدى. سونىمەن قاتار كولىك قۇرالىن الكوگولدىك، ەسىرتكى قولدانىپ، ماس كۇيدە باسقارعانى ءۇشىن 22 جۇرگىزۋشى ۇستالدى»،-دەدى جامبىل وبلىستىق پ د ج پ ق ب باستىعى راحىمبەردى اشكەيەۆ. سونداي- اق، ءتيىستى رۇقساتسىز قايتا جابدىقتالعان كولىك قۇرالىن باسقارۋدىڭ 14 دەرەگى، كولىك قۇرالىن جولدىڭ ءجۇرۋ بولىگىندە ورنالاستىرۋ، قارسى ءجۇرىپ ءوتۋ نەمەسە باسىپ وزۋ قاعيدالارىن بۇزۋدىڭ بەس دەرەگى جانە كورىنەۋ جالعان نەمەسە قولدان جاسالعان مەملەكەتتىك تىركەۋ نومىرلىك بەلگىسى بار كولىك قۇرالىن باسقارۋدىڭ ءبىر دەرەگى انىقتالعان.
