قازگيدرومەت: 22-قازاندا ەل اۋماعىنىڭ باسىم بولىگىندە جەل تۇرىپ، تۇمان تۇسەدى

قازاقستاننىڭ باسىم بولىگىنە كەڭ القاپتى انتيتسيكلون اسەرىنە بايلانىستى جاۋىن-شاشىنسىز اۋا رايى كۇتىلەدى، تەك سولتۇستىك، وڭتۇستىك جانە وڭتۇستىك-شىعىس بولىگىندە اتموسفەرالىق اعىنداردىڭ وتۋىنە بايلانىستى اۋا رايى قۇبىلمالى، كەي جەرلەرىندە جاۋىن-شاشىن جاۋادى.

رەسپۋبليكانىڭ كەي جەرلەرىندە جەل كۇشەيەدى، تۇمان، سولتۇستىكتە كوكتايعاق كۇتىلەدى.

سولتۇستىك قازاقستان وبلىسىنىڭ كەي جەرلەرىندە تۇمان ءتۇسۋى ىقتيمال، كوكتايعاق، تۇندە كەي جەرلەرىندە جەل 15-20 م/س كۇشەيەدى، كۇندىز 15-20 م/س، ەكپىنى كەي جەرلەردە 23-28 م/س.

جامبىل وبلىسىنىڭ كەي جەرلەرىندە تۇمان تۇسەدى، جەلدىڭ جىلدامدىعى 15-20 م/س جەتەدى.

قوستاناي، اقمولا وبلىستارىنىڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى.

تۇركىستان وبلىسىنىڭ كەي جەرلەرىندە جەل 15-20 م/س كۇشەيەدى. شىعىس قازاقستان وبلىسىندا، تۇندە جانە تاڭەرتەڭ قاراعاندى، الماتى، پاۆلودار وبلىستارىنىڭ كەي جەرلەرىندە تۇمان ءتۇسۋى ىقتيمال.

تۇندە تۇركىستان وبلىسىنىڭ كەي جەرلەرىندە ۇسىك جۇرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى