وتكەن جىلى الەمدە وندىرىلگەن تابيعي ۋراننىڭ 22 پروتسەنتى قازاقستانعا تيەسىلى

 ناقتىراق ايتساق، «قازاتوم ونەركاسىپ» ۇلتتىق اتوم كومپانياسى 2018 -جىلى  21705 توننا ۋران وندىرگەن. بۇل تۋرالى كومپانيانىڭ باسقارما ءتوراعاسى مالىمدەدى.

 ونىڭ ايتۋىنشا، بۇل 2017 -جىلعى كورسەتكىشپەن سالىستىرعاندا 7 پروتسەنتكە تومەن. ال بيىل «قازاتوم ونەركاسىپ» 22 مىڭ توننا ۋران وندىرمەك. وتكەن جىلدى قورىتىندىلاعان كومپانيا باسشىسى تاعى ءبىرقاتار كورسەتكىشتى جىپكە ءتىزدى.

 ماسەلەن، كومپانيا قازىناسىنا تۇسكەن تازا پايدا 380 ميلليارد تەڭگەگە جەتكەن. بۇل 2017 -جىلمەن سالىستىرعاندا 173 پروتسەنتكە كوپ.

عالىمجان ءپىرماتوۆ، «قازاتومونەركاسىپ» ۇ ا ك» ا ق باسقارما ءتوراعاسى:

 - وتكەن جىلى كومپانيانىڭ تاريحىنداعى تابيعي ۋران ساتىلىمىن رەكوردتىق دەڭگەيگە دەيىن جەتكىزدىك. وسىلايشا ءبىز ەڭ ءىرى ۋران ءوندىرۋشى عانا ەمەس، الەمدەگى تابيعي ۋران ساتىلىمى بويىنشا دا كوشباسشى بولدىق. 2018 -جىلعى ۋران ساتىلىمى 2017 -جىلعى كورسەتكىشتەن 65 پايىزعا اسىپ ءتۇستى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى