جاسى 22 دەگى «قىرعىزستان ارۋى» وبىردان كوز جۇمدى
«بۇل تۋرالى ايتۋ ماعان وتە اۋىر. بۇگىن «ميسس قىرعىزستان» تيتۋلىنىڭ يەگەرى جىبەك نۇكەيەۆا قايتىس بولدى. ول نەبارى 22 جاستا. جىبەك اقجارقىن، ادەمى قىز ءبىز العاش تانىسقان كۇنى-اق ءوزىنىڭ سالماقتىلىعىمەن، نازىكتىگىمەن ءتانتى ەتكەن ەدى. دەرتىنىڭ اۋىرلىعىنا قاراماستان ومىردەن ءۇمىتىن ۇزبەي يتاليا، تۇركيا، يزرايلدىڭ تانىمال كلينيكالارىندا ەم قابىلدادى. ول ءومىردى شەكسىز ءسۇيدى، - دەپ جازدى قوعامدىق بەلسەندى اسسول مولدوكماتوۆا ءوزىنىڭ فەيسبۋكتەگى پاراقشاسىندا.
ب ا ق تارالعان مالىمەتتەرگە قاراعاندا، قىرعىزستان سۇلۋلىق بايقاۋىنىڭ جەڭىمپازى جانە "الەم ارۋى - 2013" قاتىسۋشىسى جىبەك نۇكەيەۆا سوڭعى جىلدارى ۇزاققا سوزىلعان قاتەرلى ىسىكپەن اۋىردى. وعان اۋرۋى تۋرالى دياگنوز 2016 -جىلى قىركۇيەكتە جۇكتىلىكتىڭ جەتىنشى ايىندا قويىلعان. اۋرۋىنا قاراماستان جىبەك ومىرگە يمان اتتى ءسابي الىپ كەلدى.
اۆتور: گۇلسايا جاقان
