ديماش قۇدايبەرگەن: 22- ءساۋىر كۇنى سىزدەرگە تىكەلەي ەفيردە توسىن سىي بار
«...مەنىڭ جانكۇيەرلەرىم! #TheSinger جوباسىنىڭ 22- ءساۋىر كۇنى تىكەلەي ەفيردە دايىنداعان توسىن سىيى بار سىزدەرگە! ءدال وسى كۇنى سىزدەرمەن گالا كونسەرتتە كەزدەسەمىن! جوبانىڭ اياقتالعانىنا ۋايىمداپ جۇرگەن جانكۇيەرلەرىم ءۇشىن بۇل تاعى ءبىر ۇمىتىلماس كۇن بولارىنا سەنىمدىمىن! ادەمى ءان تىڭداپ، جوبا قاتىسۋشىلارىمەن تاعى ءبىر مارتە جۇزدەسە الاسىزدار!!! كەزدەسكەنشە!»، - دەپ جازدى ول ينستاگرامداعى پاراقشاسىندا.
ەستەرىڭىزگە سالا كەتەيىك، قازاقستاندىق ءانشى ديماش قۇدايبەرگەن قىتايلىق حۋنان تەلەارناسىنىڭ «Singer 2017» ءان بايقاۋىنىڭ اقتىق باسەكەسىندە ەكىنشى ورىندى جەڭىپ الدى.
گونكونگ قالاسىنىڭ تۋماسى لين يليان (Sandy Lam) ءبىرىنشى ورىنعا، ال تايۆاندىق «ارىستان» (Lion) توبى ءۇشىنشى ورىنعا قول جەتكىزدى. ونەر دوداسى 15- ءساۋىر كۇنى مارەسىنە جەتكەن بولاتىن. سونداي-اق، تانىمال Hunan TV تەلەارناسى قىتايدا عانا ەمەس، بۇكىل الەمدەگى ميلليونداعان جاننىڭ كوزايىمىنا اينالعان دارىندى ءانشى ديماش قۇدايبەرگەن تۋرالى دەرەكتى فيلم ءتۇسىرىپ، كورەرمەندەر نازارىنا ۇسىنعانى ءمالىم بولدى.
