كانادالىق «ۇيقىداعى ارۋ» تاۋلىكتىڭ 22 ساعاتىن ۇيقىمەن وتكىزەدى

جاڭا شوتلانديالىق 37 جاستاعى حيزەر ريد سيرەك كەزدەسەتىن كلەين- لەۆين سيندرومىنا شالدىققان. اۋرۋدىڭ بۇل ءتۇرى «ۇيقىداعى اۋرۋ» سيندرومى اتاۋىمەن دە بەلگىلى. ايەل تاۋلىكتىڭ 22 ساعاتىن ۇيقىمەن وتكىزەدى. ۇيقىسىنان تۇرسا دا قايتادان ماۋجىراپ، توسەككە جاتقىسى كەلىپ تۇرادى. ونىڭ جاعدايىندا قالعىماي وتىرۋ مۇمكىن ەمەس- تىن. ودان بولەك، بويجەتكەنگە سوزىلمالى شارشاڭقىلىق دياگنوزى قويىلعان. ونىڭ بۇل دەرتپەن ءومىر ءسۇرىپ جاتقانىنا جەتى جىلدىڭ ءجۇزى بولدى، دەپ حابارلادى لايف.

«ءوز ءومىرىمنىڭ ەلەسى سياقتى سەزىنەمىن»، - دەدى حيزەر ب ا ق- قا بەرگەن سۇحباتىندا.

ايەل باسقالار سياقتى قالىپتى ءومىر ءسۇرۋ سالتىن ۇستانا المايدى، جۇمىس تا ىستەي المايدى. اۋىر ناۋقاسقا شالدىقپاس بۇرىن حيزەر كولىك جۇرگىزەتىن، ۇلگىلى ستۋدەنت جانە الەۋمەتتىك تۇرعىدان وتە بەلسەندى بويجەتكەن بولاتىن. 2014 -جىلى بۇيرەگىنە وتا جاسالعاننان كەيىن ايەل سيرەك كەزدەسەتىن اۋرۋعا شالدىقتى.

بۇكىل الەمدە كلەين-لەۆين سيندرومىنا شالدىققان مىڭعا جۋىق ادام بار. ناۋقاستار ورتا ەسەپپەن تاۋلىگىنە 18 ساعاتتان ۇيىقتايدى. ادەتتە بۇل اۋرۋ ءجاسوسپىرىم كەزەڭدە ءوز بەلگىلەرىن بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى