پەتروپاۆلدا ەسىن جوعالتقان ايەل تۋىستارىمەن 22 جىلدان كەيىن قاۋىشتى
بۇل تۋرالى س ق و ءى ءى د- ءنىڭ باسپا ءسوز قىزمەتىنەن حابارلايدى.
«66 جاستاعى سىمبات اپا وتكەن جىلدىڭ قاڭتار ايىندا پەتروپاۆل قالالىق ءى ءى ب- نىڭ كوشى-قون پوليتسياسىنا كەلىپ، قۇجاتتارىن قالپىنا كەلتىرۋ ءوتىنىشىن جازعان. كوپ جىل بۇرىن ەسىن جوعالتقان ايەل ءوزى تۋرالى ناقتى ءتولقۇجات دەرەكتەرىن ايتا المادى، ءبىراق تۋىستارىن تاپقىسى كەلدى. پوليتسيا كاپيتانى دانا ەلەۋسىزوۆا زەينەتكەر ايەلگە تۋىستارىن تابۋعا كومەكتەستى. كەزەكتى رەت مالىمەتتەر بازاسىنداعى فوتوسۋرەتتەردى كورسەتۋ كەزىندە ول جامبىل وبلىسىندا تۇراتىن ايەلدى كورگەندە وزگەرىپ سالا بەردى»، - دەلىنگەن حابارلامادا.
دانا ەلەۋسىزوۆا بۇل ايەلدى تاۋىپ الىپ، ودان كەزىندە تۋىسىنىڭ جوعالۋى تۋرالى سۇرادى. ودان كەيىن بۇل ايەلگە سىمبات اپايدىڭ فوتوسۋرەتىن جولداعان. تولقىپ تۇرعان ۇلىنىڭ قوڭىراۋ شالۋى كوپ جىلعا سوزىلعان كەلەڭسىز جاعدايعا نۇكتە قويىپ، ول ءبىر ساتتە بالالارى مەن نەمەرەلەرىنىڭ ورتاسىنا كەلدى. سىمبات اپايدىڭ التى بالاسى ونى ءىز-ءتۇسسىز جوعالدى دەپ تالاي جىل بويى ىزدەگەنى انىقتالدى.
90-جىلداردىڭ ورتاسىندا ساۋدامەن اينالىسقان ايەل قاراعاندىدا قىلمىسكەرلەردىڭ قۇربانىنا اينالدى. ەسىن جوعالتىپ، ۇزاق جىلدار بويى قايدا بولسا سوندا جۇمىس ىستەپ كۇن كوردى. قاراعاندىدا زەينەتكەر ەر ادام وعان پانا بەرىپ، ومىرلىك سەرىگى اتاندى. ايەل ەسىمىنەن باسقا ءوزى تۋرالى ەشتەڭە بىلمەگەن ەدى. ەكى جىل بۇرىن زەينەتكەرلەر قاراعاندىدان پەتروپاۆلعا كوشىپ كەلگەن. مۇندا قۇجاتتارىن قالپىنا كەلتىرۋگە تىرىسقان ايەل وتباسىمەن قاۋىشتى.
