قىتايدىڭ 22 ايماعىندا توعىزقۇمالاق سەكسيالارى اشىلدى
بۇل تۋرالى قازاقپارات تىلشىسىنە بەرگەن سۇحباتتا قىتايداعى قازاق دياسپوراسىنىڭ وكىلدەرى - شىنجاڭ ۋنيۆەرسيتەتىنىڭ دوتسەنتى شىنار قاپان ۇلى مەن قىتايدىڭ قازاق ستۋدەنتتەرى قاۋىمداستىعىنىڭ نەگىزىن قالاۋشىلاردىڭ ءبىرى نۇرداۋلەت بوكەيحان ايتتى.
«1983 -جىلى بەيجىڭدىك «القاپ» جۋرنالىندا توعىزقۇمالاق ويىنىنىڭ ەرەجەلەرى جازىلعان ماتەريال شىقتى. بۇل اتالعان سپورتتىڭ ق ح ر- داعى رەسمي بەتاشارى بولدى» ، - دەدى شىنار قاپان ۇلى.
شىنار قاپان ۇلى كەي يكاو ورتا مەكتەپتەرىندە توعىزقۇمالاق قوسىمشا ءپان رەتىندە ەنگىزىلگەنىن، جاتتىقتىرۋشىلار ءۇشىن بىلىكتىلىكتى ارتتىرۋ كۋرستارى اشىلعانىن اتاپ ءوتتى.
«بيىل جازدا بيلىكتەن شىنجاڭدا توعىزقۇمالاق بويىنشا فەدەراتسيا قۇرۋعا رۇقسات الۋ بويىنشا شارالارعا كىرىستىك. جىل سوڭىنا دەيىن بۇل ماسەلە شەشىلەدى دەپ ۇمىتتەنەمىز. 2016 -جىلدىڭ تامىزىندا ءۇرىمجى قالاسىندا توعىزقۇمالاق بويىنشا ازيا بىرىنشىلىگىن وتكىزۋدى جوسپارلاپ وتىرمىز» ، - دەدى شىنار قاپان ۇلى.
قىتايدىڭ قازاق ستۋدەنتتەرى قاۋىمداستىعىنىڭ نەگىزىن قالاۋشىلاردىڭ ءبىرى نۇرداۋلەت بوكەيحان قىتايدىڭ 22 ايماعىندا توعىزقۇمالاق ويىنىنىڭ ەرەجەلەرىن ۇيرەتەتىن سەكسيا اشىلعانىن ايتتى. ويىن قازاق جانە قىتاي تىلدەرىندە ۇيرەتىلەدى.
« ءبىر جىلدا توعىزقۇمالاق بويىنشا بەيجىڭدە 27 سپورتشىنى دايىندادىق. ولاردىڭ 16 سى وسى جولعى شەبەرلىك ساعاتىنا قاتىستى. قازىر قىتايدىڭ 22 ايماعىندا جارىس وتكىزۋدى جوسپارلاپ وتىرمىز» ، - دەدى ول.
ەسكە سالا كەتەيىك، قازاق حاندىعىنىڭ 550 جىلدىعىنا وراي ق ح ر- داعى ق ر ەلشىلىگى توعىزقۇمالاق بويىنشا دۇنيەجۇزىلىك فەدەراتسيامەن بىرلەسىپ بەيجىڭدە توعىزقۇمالاق بويىنشا شەبەرلىك ساعاتى مەن تۋرنير ۇيىمداستىردى. سونداي- اق تاريحشى- عالىم ەرمۇحان بەكماحانوۆتىڭ ءومىرى جايلى «امانات» كوركەم فيلمىنىڭ كورسەتىلىمىن ۇيىمداستىردى.
