ساۋد ارابياسىنىڭ مينا جازىعىندا كەپتەلىس سالدارىنان قاجىلىققا بارعان 220 دان استام ادام قازا تاپتى
بۇل تۋرالى كورولدىكتىڭ ازاماتتىق قورعانىس قىزمەتىنە سىلتەمە جاساپ ت ا س س حابارلاپ وتىر.
مالىمەتتەرگە سايكەس، مەرەكەلىك نامازعا جۇزدەگەن مىڭ قاجى جينالعان مينا جازىعىندا كەپتەلىس كەزىندە 220 ادام قازا تاپقان. جۇزدەگەن ادام جاراقات العانى اتاپ وتىلەدى. الدىن الا مالىمەتتەر بويىنشا، كەم دەگەندە ءتورت جۇزدەي ادام جاراقاتتانعان بولۋى مۇمكىن.
مينا جازىعىندا قازا تاپقاندار مەن جاراقاتتانعاندار قاي ۇلت وكىلدەرى ەكەندىگى تۋرالى اقپارات جوق.
تاڭەرتەڭ مۇسىلماندار ءۇشىن كيەلى قالا مەككەدەن بىرنەشە شاقىرىم جەردە ورنالاسقان مينا جازىعىندا مۇسىلمانداردىڭ يد ءال- ادحا - قۇربان ايت مەرەكەسىنىڭ قۇرمەتىنە وقىلعان نامازعا كوپتەگەن ەلدەردەن كەلگەن جۇزدەگەن مىڭ قاجى جينالدى.
ايتا كەتەيىك، قۇربان ايتتىڭ ءبىرىنشى كۇنى (زيلحيججانىڭ 10- كۇنى) قاجىلىق پارىزىن وتەۋشىلەر مينادا شاتىرلارعا ورنالاسقاننان كەيىن شايتانعا تاس لاقتىرۋ ءۇشىن ۇلكەن شايتانعا (اقابا ءجامراسىنا) بارادى. قۇربان ايتتىڭ ءبىرىنشى كۇنى ۇلكەن شايتان تاسقا (اقابا جامراسىنا) جەتى تاس لاقتىرىلادى. كەپتەلىس وسى كەزدە ورىن العان ءتارىزدى.
