مەملەكەتتىك باقىلاۋ تالاپتارىن بۇزعان 220 لاۋازىم يەلەرى جاۋاپكەرشىلىككە تارتىلدى

«ءتيىمدى اتقارىلعان شارالار ناتيجەسىندە جۇرگىزىلگەن تەكسەرۋلەر سانى كەمۋىنىڭ وڭ ءۇردىسى بايقالادى. بيىلعى 5 ايدا وتكەن جىلدىڭ وسى مەرزىمىمەن سالىستىرعاندا جالپى تىركەلگەن تەكسەرۋلەر سانى 2 پايىزعا (47086 دان 46008 گە) تومەندەگەن. سونداي-اق، بيزنەس سۋبەكتىلەرىن تەكسەرۋ 22 پايىزعا (22367 دەن 17535 كە) ازايدى»، - دەلىنگەن كوميتەت مالىمەتىندە.

تەكسەرىلەتىن سۋبەكتىلەردىڭ قىزمەتىنە زاڭسىز ارالاسۋدان قورعاۋ ماقساتىندا كوميتەت 423 تەكسەرۋ تاعايىنداۋ اكتىسىن تىركەۋدەن باس تارتتى، ونىڭ ىشىندە 197 ءى جەكە كاسىپكەرلەرگە قاتىستى. 117 زاڭسىز تەكسەرۋ انىقتالىپ، سونىڭ 14 ءى جەكە كاسىپكەرلەرگە قاتىستى بولىپ شىقتى.

«مەملەكەتتىك ورگاندار بويىنشا تەكسەرۋدى تىركەۋدەن باس تارتۋدىڭ باسىم بولىگى تۇتىنۋشىلاردىڭ قۇقىقتارىن قورعاۋ-78, ورتكە قارسى قىزمەت-57, سالىق قىزمەتى-49, سونداي-اق ەڭبەك ينسپەكتسياسىنا قاتىستى 45 تەكسەرۋدەن باس تارتىلدى»، - دەپ اتاپ وتىلگەن ۆەدومستۆو حابارلاماسىندا.

 اتالعان مەرزىمدە مەملەكەتتىك باقىلاۋ جانە قاداعالاۋ تۋرالى زاڭنامانىڭ تالاپتارىن بۇزعانى ءۇشىن قولدانىلعان پروكۋرورلىق شارالارمەن مەملەكەتتىك ورگانداردىڭ 220 لاۋازىمدى تۇلعاسى زاڭمەن قارالعان جاۋاپكەرشىلىكتەرگە تارتىلدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى