شىمكەنت قالاسى 2200 جىل بۇرىن بولعان

«قالانى 14 مەتر تەرەڭدىكتەن زەرتتەپ، ماتەريكتىك پلاستقا دەيىن جەتتىك. قازبا جۇمىستارى بارىسىندا تابىلعان جادىگەرلەر قالا ءبىزدىڭ داۋىرىمىزگە دەيىن 3-2 عاسىردا ىرگە كوتەرگەن دەگەن تۇجىرىمعا كەلۋگە بولادى. ءبىز ورتاشا ارحەولوگيالىق جاستى الامىز، بۇل شامامەن 2200 جىل بولادى»، - دەپ ءمالىم ەتتى ءا. مارعۇلان اتىنداعى ارحەولوگيا ينستيتۋتىنىڭ ديرەكتورى تاريح عىلىمدارىنىڭ دوكتورى باۋىرجان بايتانايەۆ.

بەلگىلى ارحەولوگتىڭ پىكىرىمەن ارىپتەستەرى دە كەلىسەدى.

«شىمكەنتتەگى قازبا جۇمىستارى قالاعا 2200 جىل ەكەنىن كورسەتتى. بۇل قاڭلى ءداۋىرى، راستايتىن ماتەريالدار جەتكىلىكتى»، - دەپ اتاپ ءوتتى ينستيتۋتتىڭ قۇرمەتتى ديرەكتورى كارل بايپاقوۆ.

شىمكەنت قالاسىنداعى جىلدار بويعى قازبا جۇمىستارىندا تابىلعان بىرەگەي جادىگەرلەردىڭ ىشىندە - جەرلەۋ راسىمدەرى، ىدىستار، زەرگەرلىك جانە كەراميكالىق بۇيىمدار بار.

«قالا جاسىن تابىلعان كەراميكاعا قاراپ بىلۋگە بولادى، ول كەزەڭدە تيىن، جازۋ-سىزۋ بولماعان. ءار كەزەڭنىڭ وزىنە ءتان كەراميكا ازىرلەۋ تەحنيكاسى بار. تابىلعان زاتتارعا قاراپ، قالاعا شامامەن 2200 جىل بولعانىن بىلۋگە بولادى»، - دەدى فرانسيادان كەلگەن عالىم، تاريح عىلىمدارىنىڭ دوكتورى ليونەتت بەرتي.

شىمكەنتتىڭ جاسىن تانۋ ءۇشىن الەمدىك قوعامداستىق ءبىرقاتار راسىمدەر جۇرگىزۋى قاجەت. ۇلتتىق كوميسسيا يۋنەسكو باس كونفەرەنسياسىنا ءوتىنىم بەرۋى ءتيىس. ال بەرىلگەن دالەلدەردى زەردەلەۋگە، شەشىم شىعارۋعا شامامەن ەكى جىلداي ۋاقىت كەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى