ەلىمىزدە 21-حالىقارالىق سپورت تۋرنيرى وتەدى
قازاقپارات بۇل تۋرالى مادەنيەت جانە سپورت مينيسترلىگىنە سىلتەمە جاساپ حابارلايدى.
اتاپ ايتقاندا، ەلىمىزدە بادمينتوننان Kazakhstan International Series 2023 حالىقارالىق تۋرنيرى (قازان- قاراشا)، سونداي-اق بوكستان عالىم جارىلعاپوۆتى ەسكە الۋعا ارنالعان ەرلەر مەن ايەلدەر اراسىنداعى تۋرنير (جەلتوقسان) جوسپارلانعان. سونىمەن قاتار ەركىن كۇرەستەن د. قونايەۆ اتىنداعى حالىقارالىق جارىس (قازان- جەلتوقسان)، جەڭىل اتلەتيكادان ا. تۇياقوۆتىڭ جۇلدەسىنە ارنالعان حالىقارالىق تۋرنير (جەلتوقسان)، ۇستەل تەننيسىنەن 2023 WTT contender Almaty (29-تامىز - 3-قىركۇيەك) جارىستارى جانە باسقا دا سپورت سايىستارى بار.
وليمپيادالىق ەمەس سپورت تۇرلەرىنەن: ارمرەستلينگتەن الەم چەمپيوناتى (تامىز-قىركۇيەك)، دجيۋ-دجيتسۋدان AJP Tour Astana Championship حالىقارالىق ءتۋرنيرى ۇيىمداستىرىلادى.
پاراسپورت: ۆولەيبولدان ازيا چەمپيوناتى (شىلدە) وتەدى.
«حالىقارالىق تۋرنيرلەردى ۇيىمداستىرۋدىڭ بىرنەشە ماقساتى بار. ەڭ الدىمەن، بۇل سپورتقا دەگەن جالپى قىزىعۋشىلىقتى ارتتىرۋ جانە ونى تانىمال ەتۋ. سونداي- اق مۇنداي جارىستار ءبىزدىڭ سپورتتىق ينفراقۇرىلىمىمىزدى پايدالانۋعا، ونىڭ الەمدىك ستاندارتتارعا سايكەستىگىن تەكسەرۋگە مۇمكىندىك بەرەدى. ال سپورتشىلارىمىز جوعارى دەڭگەيدە قۇندى تاجىريبە الادى. ارينە، وسىنداي ءىس- شارالاردى ۇيىمداستىرۋ كەزىندە ءبىز شىعىنداردى بارىنشا ازايتۋعا باسا نازار اۋدارامىز»، - دەدى ق ر م س م سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەربول مىرزابوسىنوۆ.
