قايرات قۇدايبەرگەندى قاماۋدا ۇستاۋ مەرزىمى 21-تامىزعا دەيىن ۇزاردى
«الماتى مامانداندىرىلعان اۋدانارالىق تەرگەۋ سوتىنىڭ 2023 -جىلى 20-ماۋسىمداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ ق- عا قاتىستى قاماۋدا ۇستاۋ مەرزىمىن ۇزارتۋىن سانكتسيالاۋ تۋرالى ءوتىنىشى قاناعاتتاندىرىلدى. ياعني كۇدىكتى 2023 -جىلدىڭ 21-تامىزىنا دەيىن قاماۋدا وتىرادى»، - دەلىنگەن سوت حابارلاماسىندا.
ايتا كەتەيىك، 24-ءساۋىر كۇنى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلىپ، قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن بولاتىن.
ەسكە سالايىق، قايرات قۇدايبەرگەننىڭ ۇستالعانى تۋرالى اقپارات 22- ساۋىردە جاريالانعان ەدى.
قايرات قۇدايبەرگەن قاڭتار وقيعاسى كەزىندە ديكي ارمانمەن بىرگە ادام جيناعان.
