رەسەيدەن 21 شەتەلدىك كومپانيا قازاقستانعا كوشتى
«ەگەر بۇرىنىراق ەۋرازيا نارىعىندا بولعىسى كەلگەن كومپانيالار رەسەي ەكونوميكاسىنىڭ بىزدەن 10 ەسە ۇلكەن بولۋىنا بايلانىستى ساۋدا جاساۋ، تاۋارلارىن ساتۋ ءۇشىن باس كەڭسەلەرى ءۇشىن ماسكەۋ مەن سانكت- پەتەربۋرگتى تاڭدايتىن. قازىر سانكسيالارعا بايلانىستى ولار باسقا قالالاردى تاڭداۋعا ءماجبۇر. ءبىز ولارعا بالاما رەتىندە الماتى مەن استانانى ۇسىنامىز. 62 كومپانيا نيەت تانىتتى. ونىڭ ىشىندە قازىرگى ۋاقىتتا 21 جوبا جۇزەگە اسىرىلدى»، - دەدى ءمينيستردىڭ ورىنباسارى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، بۇل جۇمىس الداعى ۋاقىتتا دا جالعاسادى.
«362 كومپانياعا قىزىعۋشىلىق تانىتامىز. بۇل ءتىزىم تولىقتىرىلىپ وتىرادى. كەيبىر كومپانيالار ۇسىنىمىزدان بىردەن باس تارتادى نەمەسە جاعدايدىڭ ودان ارى قالاي داميتىندىعىن بايقاپ كورەتىندىگىن ايتادى. دەگەنمەن، بۇل جۇمىستى جالعاستىرا بەرەمىز»، - دەدى الماس ايداروۆ.
