تاجىريبەلى مەكسيكالىق «كوۆبويدى» 21 جاستاعى قازاقستاندىق بوكسشى نوكاۋتقا جىبەردى

س. احمەدوۆ كانادانىڭ كۆەبەك قالاسىندا وتكەن بوكس كەشىندە ونەر كورسەتتى. ءبىرىنشى ورتا سالماقتاعى ايقاستا ونىڭ قارسىلاسى مەكسيكالىق «كوۆبوي»، 31 جاستاعى دجونني ناۆاررەتە (33-15-2, 15 ك و) بولدى. جەكپە-جەك سەگىز راۋندقا ەسەپتەلدى.

قازاقستاندىق سپورتشى قارسىلاسىنىڭ پروفي-رينگتەگى ۇلكەن جەڭىستەرىنەن سەسكەنگەن جوق. كەرىسىنشە، بار تاجىريبەسىن كورسەتۋگە تىرىسىپ باقتى. ناتيجەسىندە ونى تەحنيكالىق نوكاۋتقا جىبەرىپ، ناۆاررەتتە سوڭعى راۋندقا شىقپاي قالدى.

وسىلايشا، سادريددين احمەدوۆ كاسىپقوي بوكستاعى ونىنشى جەڭىسىنە قول جەتكىزدى، ونىڭ توعىزىن مەرزىمىنەن بۇرىن اياقتادى. ول WBC نۇسقاسى بويىنشا جاستار اراسىنداعى الەم چەمپيونى جانە ءبىرىنشى جارتىلاي سالماقتا ازيانىڭ WBC چەمپيونى. جاسى – 21 دە.

ال ناۆاررەتە ايقاستارىنىڭ كوبىن ءوز وتانىندا وتكىزگەن. ونىڭ قارسىلاستارى ءبىرىنشى ورتا سالماقتاعى WBO الەم چەمپيونى حايمە مۋنگيە (34-0،  27 ك و) مەن ساۋل الۆارەستىڭ باۋىرى رامون الۆارەس (28-8-3، 16 ك و) بولعان. مەكسيكالىق بوكسشى ولارمەن ەكى رەتتەن كەزدەسىپ، كوبىندە جەڭىلگەن. ءبىر مارتە رامون الۆارەسپەن تەڭ تۇسكەن.

ەسكە سالايىق، احمەدوۆ-ناۆاررەتە كەزدەسۋىن «حابار» ارناسى تىكەلەي ەفيردەن كورسەتەتىنىن بۇعان دەيىن جازعان بولاتىنبىز.

ايتا كەتەيىك، Boxrec.com مالىمەتى بويىنشا، قازاقستاندىق سپورتشىنىڭ كەلەسى ايقاسى جوسپارلانىپ قويعان. ول رينگكە 7- جەلتوقسان كۇنى كانادانىڭ مونرەال قالاسىندا قايتا شىعادى. قارسىلاسى ازىرگە بەلگىسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى