كەز كەلگەن ادەت 21 كۇندە ورنىعادى
قانداي دا ءبىر ءىس ادەتكە اينالۋ ءۇشىن از دا، كوپ تە ەمەس، ناق 21 كۇن قاجەت، ال ول ادەت ءسىزدىڭ ءومىرىڭىزدىڭ بولىگىنە اينالۋ ءۇشىن 40 كۇن كەتەدى. ەگەر ءسىز كۇن سايىن باياۋ جۇگىرۋدى قولعا الامىن دەپ شەشسەڭىز، وندا «قولىمنان كەلمەيدى» نەمەسە «قالامايمىن» دەگەن ويدىڭ وزىمەن مۇنى 21 كۇن قاتارىنان جاساۋ كەرەك. ەگەر كەم دەگەندە ءبىر كۇن وتكىزىپ الساڭىز، ءبارىن قايتادان باستاۋعا تۋرا كەلەدى. ولاي ەتپەگەن جاعدايدا جۇگىرمەگەندىكتەن ءوزىڭىزدى ناشار سەزىنەسىز. بىرىنشىدەن، دەنە ادەتتەگى جۇكتەمەنى تالاپ ەتەدى، ەكىنشىدەن، ءسىز پسيحولوگيالىق ىڭعايسىزدىق ءحالىن سەزىنەسىز.
21 كۇن ەرەجەسى كەز كەلگەن - جاقسى نە جامان - ادەتكە قاتىستى جۇمىس ىستەيدى. ەگەر ءسىز اس ۇيدە نەمەسە سۋپەرماركەتتە كەز كەلگەن ازىقتى جەپ ۇيرەنگەن بولساڭىز، وندا دۇرىس تاماقتانۋعا كوشۋ ءۇشىن سىزگە 21 كۇن ۋاقىت قاجەت. ال ەگەر 23:00 گە دەيىن ۇيقىعا جاتۋعا داعدىلانعىڭىز كەلسە، ونى دا 21 كۇندە قالىپتاستىرا الاسىز. ۋاقىتىندا ۇيىقتاۋ ادەتىن قالىپتاستىرۋ مۇلدەم قيىن ەمەس. سەبەبى، ۇيىقتاعاندى ءبارى جاقسى كورەدى.
جاڭا ادەتتى قالىپتاستىرۋدى قولعا العان ادامعا قاراتا ايتىلاتىن ەڭ باستى كەڭەس - باستاعان ءىستى جارتى جولدان تاستاپ كەتپەۋ. ەگەر 15 كۇن شىداعان بولساڭىز، نەگە تاعى 6 كۇن شىداماسقا؟ ەگەر ءدال قازىر بەرىلەمىن دەپ شەشسەڭىز، بۇل ءىستى نەگە باستادىڭىز؟ بۇلاي ەتسەڭىز جۇمساعان رۋحاني جانە فيزيكالىق كۇشىڭىزدى تەككە قۇرتقان بولاسىز. ادەتتەرىڭىزدى، ءوز تاعدىرىڭىزدى وزگەرتىڭىز!
