قىتايدا ءولىم جازاسىمەن اتىلعان ادام 21 جىلدان سوڭ اقتالدى

حىبي پروۆينسياسىنىڭ تۇرعىنى نيە شۋبين 1995 -جىلى ايەل زورلاپ، ءولتىردى دەگەن ايىپ بويىنشا كىنالى تابىلىپ، 20 جاسىندا اتىلىپ كەتكەن.

بۇگىن جوعارعى سوت نيە شۋبيننىڭ كىناسىن دالەلدەيتىن فاكتىلەر جەتكىلىكسىز دەگەن شەشىم شىعاردى.

20 جىلدان اسا ۋاقىت بويى نيەنىڭ جازىقسىز اتىلعانىن دالەلدەۋ ءۇشىن كۇرەسكەن جاقىندارى وزدەرىن قولداعان ادامدارعا العىس ايتتى.

ءبىر ايتا كەتەرلىگى، 11 جىل بۇرىن ەكى ايەلدى ولتىرگەن ۆان شۋجين ەسىمدى سوتتالۋشى وسى قىلمىستى ءوزى جاساعانىن مالىمدەگەن ەكەن. ءبىراق سوت ونىڭ سوزىنە قاپەرگە الماعان.

bbc- دىڭ حابارلاۋى بويىنشا، قىتاي سوتتارى قىلمىستىق ىستەردىڭ 99 پايىزىنا اشىلدى دەپ ۇكىم شىعارادى. جىلىنا مىڭداعان ادام ءولىم جازاسىنا كەسىلەدى، ءبىراق ولاردىڭ سانى مەملەكەتتىك قۇپيا بولىپ سانالادى.

قىتايدا سوت شەشىمدەرىنىڭ قايتا قارالىپ، سوتتالۋشىنىڭ اقتالۋى وتە سيرەك كەزدەسەدى.

2014 -جىلى ىشكى موڭعوليا پروۆينسياسىندا 18 جىل بۇرىن سوت ۇكىمى بويىنشا ولتىرىلگەن جاس ءوسپىرىم اقتالدى. مارقۇمنىڭ اكە- شەشەسىنە 30000 يۋان (1500000 تەڭگە) تولەنىپ، ول ىسكە جاۋاپتى 27 لاۋازىمدى تۇلعا جازالاندى.

bbc- دىڭ پەكيندەگى ءتىلشىسىنىڭ ايتۋىنشا، نيە شۋبين ءىسى قىتايداعى ەڭ اتىشۋلى ىستەردىڭ ءبىرى بولعان.

نيە شۋبين

ۆان شۋجين

دەرەككوز egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى