استانا الەمنىڭ زياتكەرلىك 21 قالاسىنىڭ قاتارىنا قوسىلدى
بارلىق ۇمىتكەرلەردىڭ ىشىنەن توپ-21 ەنگەن الەمنىڭ ۇزدىك زياتكەرلىك دامىعان قالاسى انىقتالادى. استانا دا وسى بەدەلدى اتاقتى يەلەنۋگە ءۇمىتتى.
بۇل تۋرالى ەلوردا اكىمدىگىنىڭ باسپا ءسوز قىزمەتىنەن حابارلادى.
سونىمەن قاتار، استانادان باسقا توپ-21 ا ق ش-تىڭ بەس قالاسى، اۆستراليا مەن تايۆاننىڭ ءتورت قالاسى، كانادادان ءۇش قالا جانە برازيليا، جاپونيا، كەنيا مەن جاڭا زەلانديادان ءبىر-ءبىر قالا ەنگەن. قازاقستاندىق قالا تىزىمگە ءبىرىنشى رەت قوسىلىپ وتىر.
شاھارلاردى نەگىزگى بەس كورسەتكىش بويىنشا باعالايدى. ناق وسى كورسەتكىشتەر قانداي دا بولماسىن قالانىڭ وسى تىزىمدەگى ورنى مەن باسەكەگە قابىلەتتىلىگىن انىقتايدى. بيىلعى جىلدىڭ تاقىرىبى - «ريەۆوليۋتسيالىق قوعامداستىق». ول قالالىق جانە وڭىرلىك جوسپارلاۋدى جانە تۇرعىنداردىڭ تىرشىلىك ارەكەتىنە اسەرىن زەرتتەۋگە نەگىزدەلگەن. وسىلايشا، بيىلعى قاتىسۋشىلار ينفراقۇرىلىمدىق دامۋى مەن قالالىق جوسپارلاۋعا ەنگىزىلەتىن يننوۆاتسيالارى مەن قازىرگى زامانعى تەحنولوگيالاردىڭ دەڭگەيلەرى بويىنشا باعالانادى.
زياتكەرلىك قوعامداستىقتاردىڭ توپ-21 قاتىسۋشىلارى وزدەرى جايلى تولىق اقپارات بەرەدى، ولاردى تاۋەلسىز زەرتتەۋ فيرماسى باعالايدى. 2015 - جىلى ماۋسىم ايىندا تورونتو قالاسىندا (كانادا) وتەتىن شارا بارىسىندا وسى قالالاردىڭ ءبىرى ۇزدىك زياتكەرلىك قوعامداستىق بولىپ رەسمي تانىلادى. ايتا كەتەيىك، وتكەن جىلى «زياتكەرلىك قوعامداستىق-2013» اتاعى كانادالىق تورونتو قالاسىنا بەرىلدى.
