الامان بايگەنىڭ جۇلدە قورى 21 ميلليون تەڭگەنى قۇرايدى

ۇيىمداستىرۋشىلار تۋرنيردەگى قاۋىپسىزدىك شارالارىنا باسا نازار اۋدارىپ وتىر. سەبەبى، جۇزدەن جۇيرىكتى انىقتايتىن 43 شاقىرىمدىق بايگەدە جىلقىعا دا، سول قاشىقتىققا شىداپ بەرەتىن شاباندوزعا دا اۋىر تيەتىنى انىق.

تاعى ايتا كەتەتىنى، رەسپۋبليكالىق «التىن تۇلپار» ءتۋرنيرى استانادان 30 شاقىرىمعا جۋىق قاشىقتىقتا ورنالاسقان قابانباي باتىر اۋىلىنىڭ اۋماعىندا وتەتىن بولىپ شەشىلدى. بايگە ۇلتتىق سپورتىنىڭ ماماندارىنا قالا ماڭىنان 43 شاقىرىم جەر بەدەرىنىڭ ءتۇرلى جەرىنەن وتەتىن جارىس جولىن تاڭداۋعا وڭاي تۇسكەن جوق.

سونىمەن قاتار بايگەنىڭ بەكىتىلگەن ەرەجەسى بويىنشا، قاتىسۋشى ات ءۇشىن 95000 (توقسان بەس مىڭ) تەڭگە جارنا تولەۋى ءتيىس. ال الامان بايگەنىڭ جۇلدە قورى 21 ميلليون تەڭگەنى قۇراپ وتىر. بۇل قارجىدان مارەگە جەتكەن العاشقى توعىزدىققا سىياقى تابىستالادى.

ناقتىراق ايتساق، 1- ورىنعا 10 ميلليون،  2- ورىنعا - 5 ميلليون، 3- ورىنعا - 2,5 ميلليون، 4- ورىنعا - 1,5 ميلليون،5- ورىنعا - 1 ميلليون، 6- ورىنعا - 750 مىڭ، 7- ورىنعا - 500 مىڭ، 8- ورىنعا - 300 مىڭ، 9- ورىنعا - 150 مىڭ تەڭگە قارجىلاي سىياقى بەرىلەدى، دەپ حابارلايدى ق ر ۇلتتىق سپورت تۇرلەرى قاۋىمداستىعىنان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى