ورالدا جاڭا جىل قارساڭىندا 216 وتباسى باسپانالى بولدى
قالانىڭ سولتۇستىك- شىعىس اۋدانىندا پايدالانۋعا بەرىلگەن توعىز قاباتتى تۇرعىن ءۇيدىڭ اشىلۋ راسىمىنە قاتىسقان وبلىس اكىمى عالي ەسقالييەۆتىڭ ايتۋىنشا، بۇدان بىرنەشە جىل بۇرىن ەلباسى تاپسىرماسىنا سايكەس «نۇرلى جەر» باعدارلاماسى قابىلدانعان بولاتىن. سوعان سايكەس ەلىمىزدىڭ وڭىرلەرىندە جىل سايىن جاڭا ۇيلەر بوي كوتەرۋدە.
«بيىلعى جىلدىڭ وزىندىك قيىندىقتارى بولعانىمەن، جاقسى جەتىستىكتەر دە از ەمەس. سونىڭ ءبىرى - «نۇرلى جەر» باعدارلاماسى اياسىندا پايدالانۋعا بەرىلىپ جاتقان تۇرعىن ۇيلەر. وسى جاڭا ۇيدەن 216 پاتەردىڭ 72 ءسى كوپبالالى وتباسىلاردىڭ ۇلەسىنە ءتيىپ وتىر. سونداي- اق جەتىم جانە مۇگەدەك بالالارى بار وتباسىلار، باسقا دا مەملەكەت قولداۋىن قاجەتسىنەتىن، كەزەكتە تۇرعان ازاماتتار جاڭا جىل قارساڭىندا باسپاناعا قول جەتكىزدى. پاتەرلەر جالعا بەرىلسە دە، قولجەتىمدى، مىسالى، ەكى بولمەلى پاتەر ءۇشىن ايىنا 8 مىڭ تەڭگەدەي تولەيدى. سوندىقتان پاتەر يەلەرى بىرىگىپ، ءوز يگىلىگىنە بەرىلگەن باسپاناسىن تازا ۇستاۋى كەرەك»، دەدى ءوڭىر باسشىسى.
تۇرعىن ءۇيدى ۋاقتىلى بىتىرگەن «وتدەلستروي» قۇرىلىس- كوممەرتسيالىق فيرماسى» ج ش س اتىنا العىس ايتىلدى.
جاڭا ۇيدە 144 ءبىر بولمەلى، 72 ەكى بولمەلى پاتەر بار. پاتەرلەردىڭ جالپى الاڭى - 10320,48 شارشى مەتر.
