الەمدەگى جۇمىسسىزدار سانى 212 ميلليون ادامعا دەيىن ۇلعايادى

بۇل بولجام سەيسەنبى كۇنى جەنيەۆادا جاريالانعان حالىقارالىق ەڭبەك ۇيىمىنىڭ (ح ە ۇ) «جاھاندىق ەڭبەكپەن قامتۋ جانە الەۋمەتتىك مۇمكىندىك: 2015 -جىلدىڭ ءۇردىسى» بايانداماسىندا كورىنىس تاپتى، دەپ حابارلادى ت ا س س.

 زەرتتەۋ اۆتورلارى اتاپ وتكەندەي، الداعى جىلدارى جۇمىسسىزدىقتىڭ ءوسۋى الەمدىك ەكونوميكاداعى بىرنەشە فاكتورعا: ءوسىمنىڭ باسەڭدەۋى، تابىستاعى تەڭسىزدىكتىڭ ۇلعايۋى مەن تۇراقسىزدىقتىڭ ارتۋىنا بايلانىستى بولىپ وتىر. «2008 - جىلى داعدارىستىڭ باستالۋىنان 61 ميلليوننان استام جۇمىس ورنى جويىلدى. بۇل ءبىزدىڭ بولجام بويىنشا. جۇمىسسىزدىق ونجىلدىقتىڭ سوڭىنا دەيىن ۇلعايادى»، - دەدى، باياندامانى وقىعان حالىقارالىق ەڭبەك بيۋروسىنىڭ باس ديرەكتورى گاي رايدەر.

 ح ە ۇ تابىستاعى تەڭسىزدىكتىڭ ءوسۋىن بولجادى. قازىر باي ادامداردىڭ 10 پايىزى بارلىق تابىستىڭ 30-40 پايىزىن، ال كەدەيلەردىڭ 10 پايىزى بارلىق پايدانىڭ 2-7 پايىزىن الادى. بۇل ۇكىمەتكە دەگەن سەنىمدى ءۇزدى، دەيدى زەرتتەۋشىلەر. بۇل پروبلەما، اسىرەسە، جاستار اراسىنداعى جۇمىسسىزدىق تەز ءوسىپ كەلە جاتقان ايماقتاردا وزەكتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى