ونەركاسىپتەگى ورتاشا جالاقى 210 مىڭ تەڭگەدەن استى - ب ق و

ب ق و ستاتيستيكا دەپارتامەنتىنەن تۇسكەن مالىمەتكە قاراعاندا، وڭىردە ەڭ جوعارى ەڭبەكاقى ونەركاسىپ سالاسىندا - 210,4 مىڭ تەڭگە، بۇل وبلىستىق كورسەتكىشتەن 2 ەسەگە ارتىق. سونداي-اق اكىمشىلىك جانە قوسالقى قىزمەت كورسەتۋ سالاسىندا - 146,1 مىڭ تەڭگە، قۇرىلىستا - 141,4 مىڭ تەڭگە (1,4 ەسە)، كاسىبي، عىلىمي جانە تەحنيكالىق قىزمەتتە 127,3 مىڭ تەڭگە، قارجى جانە ساقتاندىرۋدا - 119,4 مىڭ تەڭگە (1,2 ەسە)، كولىك جانە قويمالاۋ، تاماقتاندىرۋ قىزمەتىندە - 118,6 مىڭ تەڭگە (1,1 ەسە).

ەڭ تومەنگى جالاقى ونەر، ويىن-ساۋىق جانە دەمالىس سالاسىندا، مۇندا ورتاشا ەڭبەكاقى وبلىستىق كورسەتكىشتىڭ 50,6 پايىزىنا تەڭ.

اۋماقتىق جاعىنان العاندا، ەڭ كوپ جالاقى ءبورلى اۋدانىندا 247,6 مىڭ تەڭگەنى قۇرايدى، بۇل وبلىستىقتان 2,4 ەسەگە كوپ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى