دوڭگەلەگى جارىلعان كولىك اۋدارىلىپ، 20 جاستاعى بويجەتكەن كوز جۇمدى
BMW اۆتوكولىگىنىڭ 20 جاستاعى جۇرگىزۋشىسى الماتى- وسكەمەن تاسجولىنىڭ 192-شاقىرىمىندا رۋلگە يە بولا الماي قالعان.
سالدارىنان كولىك اۋدارىلىپ كەتتى.
وقيعا ورنىندا 20 جاستاعى جولاۋشى قىز كوز جۇمدى.
كولىك جۇرگىزۋشىسى مەن تاعى ءبىر جولاۋشى ءتۇرلى جاراقاتپەن سارىوزەك اۋرۋحاناسىنا جاتقىزىلدى.
جول اپاتى اۆتوموبيلدىڭ ناشار تەحنيكالىق جاعدايىنا، ياعني تالاپقا ساي كەلمەيتىن دوڭگەلەكتىڭ جارىلىپ كەتۋىنە بايلانىستى بولدى دەپ بولجانىپ وتىر.
«قۇرمەتتى جۇرگىزۋشىلەر، ءوز كولىگىڭىزدىڭ تەحنيكالىق جاعدايىن مۇقيات قاداعالاۋدى سۇرايمىز. دوڭگەلەكتەردەگى «رەزەڭكەنى» دەر ۋاقىتىندا (جىل ماۋسىمىنا سايكەس) اۋىستىرىڭىز. جول ەرەجەسى مەن رۇقسات ەتىلگەن جىلدامدىق رەجيمىن ساقتاڭىز. اۆتوكولىكتى باسقارۋ كەزىندە ءسىز ءوزىڭىز ءۇشىن عانا ەمەس، سونىمەن قاتار جولاۋشىلاردىڭ، سونداي- اق جول قوزعالىسىنىڭ باسقا دا قاتىسۋشىلارىنىڭ ءومىرى مەن دەنساۋلىعى ءۇشىن دە جاۋاپتى ەكەنىڭىزدى ۇمىتپاڭىز» دەپ ەسكەرتەدى پوليتسيا.
