ا ق ش- تا بولعان جويقىن تورنادودان 20 دان استام ادام زارداپ شەكتى
لۋين دەپ اتالاتىن شاعىن قالاشىق قاتتى زارداپ شەككەن. اۋەدەن تۇسىرىلگەن سۋرەت پەن ۆيدەولاردا قيراعان ۇيلەر، سىنىق ۇيىندىلەرى مەن مايىسقان اعاشتار بەينەلەنگەن. قۇيىننان قاتتى زارداپ شەككەن قالانىڭ ءبىرى موسس-پوينتتا جەتى ادام بانك عيماراتىندا قامالىپ قالعان. ولارعا قۇتقارۋشىلار كومەككە كەلدى.
اپات بريگاداسى زالال كولەمىن انىقتاپ جاتىر، كەي ايماقتاردا ەلەكتر تاراتۋ جەلىسى قۇلاعاندىقتان پيلوتسىز ۇشۋ اپپاراتتارى جۇمىس ىستەپ جاتىر. جەرگىلىكتى بيلىك وكىلدەرى جول مەن باسقا ينفراقۇرىلىم نىساندارىنىڭ زاقىمدالعانىن حابارلادى.
ميسسيسيپيدىڭ ورتالىق بولىگىندە 49000 نان استام ءۇي كۇشتى جەل سالدارىنان جارىقسىز قالدى.
