جەتىسۋ وبلىسىندا 20 ميلليون تەڭگەدەن استام قارجىعا قىمبات نومىرلەر ساتىلدى

«جەتىسۋ وبلىسى قۇرىلعان ۋاقىتتان بەرى، ياعني 2022 -جىلدىڭ 15-شىلدە مەن 31-جەلتوقسان ارالىعىندا 20682455 تەڭگەگە كولىكتىڭ 64 قىمبات VIP ءنومىرى ساتىلدى. ونىڭ ىشىندە، 41 كولىكتىڭ مەملەكەتتىك تىركەۋ نومەرى 19-ايماق بەلگىسىمەن راسىمدەلدى. حالىق اراسىندا 019 AAA 19, 919 AAA 19, 999 AAA 19 نومىرلەرىنە سۇرانىس جوعارى»، - دەدى «ازاماتتارعا ارنالعان ۇكىمەت» كورپوراتسياسى جەتىسۋ وبلىسى بويىنشا فيليالىنىڭ ديرەكتورى سامات يمانعاليەۆ.

جالپى، جەتىسۋ وبلىسىندا كولىكتىڭ 19 ايماق مەملەكەتتىك تىركەۋ نومەرى 21-قىركۇيەكتە بەرىلە باستادى.

وسى ۋاقىتتان بەرى 4995 ادام جاڭا ايماقتىڭ نومەرىمەن كولىكتەرىن راسىمدەدى.

ايتا كەتەيىك، جالپى كولىككە VIP ءنومىر الۋدىڭ باعاسى 174-698 مىڭ تەڭگە ارالىعىندا.

ماسەلەن، 010، 020، 030 سىندى سانداردان باستالاتىن كولىكتىڭ VIP نومەرى 174591 تەڭگە بولسا ,100، 200، 500 سىندى ساندار - 419631 تەڭگە.

ال 001، 002، 003، 007 VIP نومەرلەردىڭ باعاسى 698364 تەڭگەگە باعالانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى