رەسەيدە قارتتار ۇيىندەگى ورتتەن 20 ادام قازا تاۋىپ، جەتەۋى حابارسىز كەتتى

ءورت سالدارىنان 4 ادام قازا تاۋىپ، ەكى قارت جاراقات العان.

ءورت تۋرالى سيگنال ماسكەۋ ۋاقىتىمەن 22:21-دە تۇسكەن. ءورت سوندىرۋشىلەر كەلگەن كەزدە ءۇيدىڭ شاتىرى وتقا ورانعان.

ءورت الاڭى 180 شارشى مەتردى قۇرادى. ءورت تۋرالى حابارلاما تجم- نە كەش تۇسكەندىكتەن، ءتىلسىز جاۋ ءبىرشاما ءورشىپ كەتكەن.

ءورت ءسوندىرۋ ىسىنە 80-نەن استام ادام، 28 تەحنيكا جۇمىلدىرىلدى.

كەيىنىرەك رەسەي تجم ءورت سالدارىنان قازا تاپقاندار سانىنىڭ تورتتەن 13 ادامعا دەيىن وسكەنىن حابارلادى. سوڭعى مالىمەت بويىنشا، توتەنشە جاعدايدان 20 ادام كوز جۇمدى.

جەتى ادامنىڭ تاعدىرى بەلگىسىز. كۇيىك شالعان ەكى ادام اۋرۋحاناعا جەتكىزىلدى، ولاردىڭ جاعدايى اۋىر. تاعى تورتەۋى امبۋلاتورلىق ەمدەۋگە جىبەرىلدى.

بۇل كەمەروۆوداعى قارتتار ۇيىندەگى العاشقى ءورت ەمەس.

8- قاڭتاردا ەكى قاباتتى «التىن عاسىر» پانسيوناتىنىڭ ءبىرىنشى قاباتىندا ءورت شىقتى. 48 ادام ەۆاكۋاتسيالانىپ، تورتەۋى قايتىس بولدى.

ءورت ءسوندىرۋ قىزمەتى رەسەيدەگى جەكە ۇيلەردە كوپتەگەن قارتتار ءۇيى جۇمىس ىستەيتىنىن ايتتى.

ولار رەەستردە تىركەلمەگەندىكتەن، ءورت قاۋىپسىزدىگى بويىنشا تەكسەرۋدەن وتكىزۋگە بولمايدى، ال ءورت ءسوندىرۋ ينسپەكتورلارىنىڭ تۇرعىن ۇيگە كىرۋىنە رۇقسات جوق.

اۆتور

سماعۇلوۆا ەركەجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى