بيىل شىققان فيلمدەر 20 ميلليارد تەڭگە جيناعان، ونىڭ قانشا پايىزى قازاق كينوسى ەنشىسىندە
وندا «كينەماتوگرافيا تۋرالى زاڭ»، وتاندىق كينونى پروكاتتاۋ جانە ىلگەرىلەتۋ، كوپرودۋكسياعا شىعۋ جانە باسقا دا كينو سالاسىنداعى ءبىزدىڭ كينەماتوگرافيستەردى تولعاندىراتىن وزەكتى ماسەلەلەر تالقىلاندى.
جيىند ءبىرىنشى بولىپ ءسوز سويلەگەن «قازاق فيلم» كينوستۋدياسىنىڭ ۆيتسە-پرەزيدەنتى سەرىك ابىشەۆ «كينەماتوگرافيا تۋرالى زاڭعا» قاتىستى ماسەلەلەرگە كەڭىنەن توقتالدى.
ول اتاپ وتكەندەي، زاڭ بار، ءبىراق ونىڭ جۇمىس ىستەۋ تەتىكتەرى جوق.
«جۇيە وتە كۇردەلى. مۇندا عىلىمي كوزقاراس، زەرتتەۋ، تالداۋ قاجەت. كينو تۋرالى زاڭ ق ر باسقا زاڭدارىمەن پىسىقتالۋى، باسقا مينيسترلىكتەرمەن بايلانىسى بولۋى ءتيىس. سوندا عانا ول ناقتى جۇمىس ىستەيتىن بولادى»، - دەيدى ول.
پروديۋسەر زارينا كيسيكوۆا ءوز كەزەگىندە «كينەماتوگرافيا تۋرالى زاڭ» اياسىندا جۇمىس ىستەۋگە ءماجبۇر بولعان وتاندىق كينەماتوگرافيستەردىڭ قانداي قيىندىقتارعا تاپ بولاتىنىن ايتىپ بەردى.
ايدوس سەيىتجان بولسا دەرەكتى كينونىڭ پروبلەمالارىن كوتەردى.
دوڭگەلەك ۇستەلدىڭ وتاندىق كينوپروكات تاقىرىبىنا ارنالعان ەكىنشى بولىگى ودان دا قىزۋ پىكىرتالاس تۋدىردى. ۇكقمو باسقارما ءتوراعاسىنىڭ ورىنباسارى باۋىرجان شوكەنوۆ قازىرگى زامانعى وتاندىق نارىقتىڭ ارتىقشىلىقتارى مەن كەمشىلىكتەرى تۋرالى ەگجەي-تەگجەيلى ايتىپ، پروبلەمالار بار ەكەنىن، ولاردىڭ شەشىلىپ جاتقانىن جانە مەملەكەت تەك وندىرىسكە عانا ەمەس، سونىمەن قاتار قازاقستاندىق فيلمدەرد ىىلگەرىلەتۋگە دە كوپ كوڭىل ءبولىپ جاتقانىن اتاپ ءوتتى.
شوكەنوۆتىڭ ايتۋىنشا، 2022 -جىلى (قاراشاعا دەيىن) قازاقستاننىڭ پروكات نارىعى 20 ميلليارد تەڭگەنىڭ دەڭگەيىنە جەتتى، بۇل پاندەمياعا دەيىنگى كورسەتكىشكە جاقىن.
15 ميلليون بيلەت ساتىلدى، ورتاشا بيلەت باعاسى 1300 تەڭگەنىڭ توڭىرەگىندە، بۇل نەگىزىنەن ونشا قىمبات ەمەس.
«ەڭ قىزىعى، وسى 20 ميللياردتىڭ قىرىق پايىزىن، ياعني 8 ميللياردقا جۋىعىن وتاندىق فيلمدەر جيناعان. بيىل پروكاتقا شىققان 450 فيلمنىڭ 64 ى وتاندىق. بۇل فيلمدەردىڭ جالپى سانىنىڭ 14 پايىزى جانە ولار بىزگە پايدانىڭ 40 پايىزىن بەردى. بۇل - وراسان زور كورسەتكىش»، - دەپ اتاپ ءوتتى ول.
ول سونداي-اق مەملەكەت قارجىلاندىراتىن فيلمدەردىڭ پايدا اكەلە باستاۋىن ەرەكشە اتاپ ءوتتى.
ماسەلەن، جەرگىلىكتى نارىقتى ءدۇر سىلكىندىرگەن «دوس-مۇقاسان» 500 ميلليون تەڭگەدەن استام قارجى جيناپ ۇلگەردى.
شوكەنوۆ سونىمەن قاتار وتاندىق كينونارىقتىڭ جاڭا قاتىسۋشىسى - Tiger Films كومپانياسى تۋرالى ءسوز قوزعاپ، ولاردىڭ تۋىندىلارى پروكاتتا تاماشا ناتيجە كورسەتىپ جاتقانىن تىلگە تيە كەتتى.
سونىمەن قاتار جاس رەجيسسەرلەر مەن پروديۋسەرلەر كينوتەاترلاردىڭ فيلمدى كورسەتۋ ءۇشىن قوماقتى سوما سۇرايتىنىن جانە مەملەكەتتەن بۇل ماسەلەنىڭ قالاي بولسا دا شەشىمىن تابۋعا جاردەمدەسۋىن سۇراپ وتىر.
وسى تۇستا كينوتەاترلارداعى زال ءبولۋ ماسەلەسى دە قىزۋ تالقىلاندى.
ودان كەيىن بەلگىلى پروديۋسەر گۇلنار سارسەنوۆا قازاق كينوسىن حالىقارالىق نارىقتار مەن فەستيۆالدەردە ىلگەرىلەتۋدەگى تاجىريبەسىن ءبولىستى.
سونداي-اق، ول دەرەكتى مەملەكەتىمىزگە فيلمدەردى، قىسقامەتراجدى فيلمدەردى جانە انيماتسيالىق فيلمدەردى ىلگەرىلەتۋگە كومەكتەسەتىن جەكە ستريمينگتىك پلاتفورما اۋاداي قاجەت ەكەنىن اتاپ ءوتتى.
دوڭگەلەك ۇستەلدىڭ ءۇشىنشى تاقىرىبى - فيلمدەرىمىزدىڭ حالىقارالىق نارىققا شىعۋى جانە كوپرودۋكتسيا. بۇل جەردە گرۋزيا، فرانتسيا، بولگاريا پروديۋسەرلەرى مەن قازاقستاندىق Movie Service كومپانياسىنىڭ جەتەكشىسى اننا دارمودەحينا پىكىر ءبولىستى.
بارلىق قاتىسۋشىلاردى مۇقيات تىڭداعان گرۋزين پروديۋسەرى زۋراب ماگالاشۆيلي گرۋزيادا دا 25 جىل بۇرىن وسىنداي پروبلەمالار بولعانىن اتاپ ءوتتى.
سول كەزدە ولارعا ەۋروپادان، اسىرەسە فرانسيادان كەلگەن ماماندار كوپ كومەكتەسكەن ەكەن.
جانە دە ول شەتەلدىك زاڭدارعا سايكەس كەلمەيتىن زاڭنامالىق بازاسىز كوپرودۋكسيا مۇمكىن ەمەس ەكەنىن جەتكىزىپ، سونىمەن قاتار قازىرگى كينو نارىعىنىڭ پروبلەمالارىنا توقتالدى.
«زاڭدارىڭىزدا كوپ نارسە رەسەيدەن الىنعان، تەرميندەر دە بىردەي. ودان اۋلاق بولۋلارىڭىز كەرەك. بۇل كوپرودۋكتسيا ءۇشىن دە ماڭىزدى. مۇنى مەن قينالا ايتىپ وتىرمىن، ءبىراق بۇل اشى بولسادا شىندىق»، - دەدى ول.
