سيريا بويىنشا 20-حالىقارالىق كەزدەسۋ كەلەسى جىلى وتەدى
مۇنداي شەشىم ەلوردادا بۇگىن وتكەن استانا پروتسەسىنىڭ 19-حالىقارالىق كەلىسسوزى بارىسىندا قابىلدانىپ، كەپىلگەر ەلدەردىڭ بىرلەسكەن مالىمدەمەسىنە تىركەلدى.
بىرلەسكەن مالىمدەمەنى ق ر سىرتقى ىستەر ءمينيسترىنىڭ ورىنباسارى ءادىل تۇرسىنوۆ جاريا ەتتى.
«تاراپتار 2023-جىلدىڭ ءبىرىنشى جارتىجىلدىعىندا استانادا سيريا بويىنشا 20-حالىقارالىق كەزدەسۋ وتكىزۋگە ۋاعدالاستى. سونداي-اق ولار 2022-جىلعى 19- شىلدەدەگى ءۇشجاقتى ءسامميتتىڭ قورىتىندى مالىمدەمەسىندە بەكىتىلگەن رەسەي فەدەراتسياسىندا كەلەسى جوعارى دەڭگەيدەگى كەزدەسۋدى ۇيىمداستىرۋ تۋرالى كەلىسىمدى اتاپ ءوتتى»، - دەلىنگەن ءادىل تۇرسىنوۆ جاريالاعان بىرلەسكەن مالىمدەمەدە.
