سوتتالعان ايەلدى 20 جىلدان بەرى تۋىستارى ءولدى دەپ ويلاعان
22-قىركۇيەكتە پەتروپاۆل ايەلدەر كولونياسىندا اشىق ەسىك كۇنى وتكەن بولاتىن. ءىس- شارانىڭ باستى وقيعاسى سوتتالعان التىنگۇل بايازيەۆانىڭ ومىرلىك قيىن جاعدايعا تاپ بولعان بالالاردى وڭالتۋ ورتالىعىندا تۇرعان 8 جاستاعى قىزىمەن كوپتەن كۇتكەن كەزدەسۋى بولدى. 3 جىل اجىراسقاننان كەيىن وتباسىنىڭ بىرىگۋى ب ا ق- تا جاريالاندى.
8-قازاندا ەر ادام ايەلدەر كولونياسىنا جۇگىنىپ، ءوزىن سوتتالعان بايازيەۆانىڭ تۋعان اعاسى ەكەنىن مالىمدەدى. جيەنىمەن بايلانىس 20 جىل بۇرىن اناسى، ياعني ەر ادامنىڭ اپكەسى قايتىس بولعاننان كەيىن ءۇزىلدى. وسى ۋاقىت ىشىندە سوتتالعاننىڭ تۋىستارى ونىڭ قايدا ەكەنىن بىلمەي، ونى قايتىس بولدى دەپ سانايدى.
10-قازاندا ەر ادام باس بوستاندىعىنان ايىرۋ مەكەمەسىنە جيەنىمەن قىسقامەرزىمدى كەزدەسۋ ءۇشىن كەلگەن. 8 جىل بويى ول مەكتەپ ديرەكتورى بولىپ جۇمىس اتقارىپ جاتىر. بەلگىلى بولعانداي، ەر ادام سوتتالعاننىڭ تۋعان اعاسىن دا تاربيەلەپ وسىرگەن، ەندى ول بالالار ۇيىنەن ا. بايازيەۆانىڭ قىزىن ۋاقىتشا الىپ كەتۋدى جوسپارلاپ وتىر.
«جۇما كۇنى تانىستارىم ماعان اشىق ەسىك كۇنىنەن جاڭالىقتار ۆيدەوسىن جىبەردى. مەن بىردەن جيەنىمدى، تۋعان قانىمدى تانىدىم. سول ساتتە قانداي ەموتسيالاردا بولعانىمدى بىلمەيمىن. كوپتەگەن جىلدار بويى ىزدەۋلەردەن كەيىن ول ءتىرى جانە ساۋ بولىپ شىقتى، ونىڭ قىزى دا بار. ەندى مەن ونى اناسى بوساتىلعانعا دەيىن ءوز قامقورلىعىما الۋدى جوسپارلاپ وتىرمىن. بۇل ماسەلەنى ءبىز تالقىلادىق، التىنگۇل قارسى ەمەس. ماعان كومەكتەسكەندەردىڭ بارلىعىنا العىسىمدى بىلدىرگىم كەلەدى. كىم بىلەدى، ەگەر ول جاڭالىقتاردا كورسەتىلمەسە، ءبىز تاعى كەزدەسەر مە ەدىك»، - دەيدى ەر ادام.
«بوساتىلعاننان كەيىن بىزبەن بىرگە تۇراسىڭ. بۇل تۋرالى الاڭداما، ەشكىم قارسى ەمەس. ەندى ءبىز سەنى ەشقاشان جوعالتپايمىز ، - وسىنداي اسەرلى نوتادا اعاسى مەن جيەنىنىڭ 20 جىلداعى العاشقى اڭگىمەسى اياقتالدى.
