ا ا ك جانە تۇرعىن ءۇي كومەگىن الاتىن وتباسىلارعا گاز باعاسى 20 پايىز ارزان بولادى
بۇل ساناتقا مەملەكەتتىك اتاۋلى الەۋمەتتىك كومەك جانە تۇرعىن ءۇي كومەگىن الاتىن تۇتىنۋشىلار كىرەدى، دەپ حابارلايدى قازاقپارات.
بۇل جۇمىستى كوميتەت قوعامدىق ماڭىزى بار نارىقتا باعا بەلگىلەۋ قاعيدالارىنا وزگەرىستەر مەن تولىقتىرۋلار ەنگىزۋ ارقىلى جۇزەگە اسىردى.
ناتيجەسىندە 1- ساۋىردەن باستاپ پيلوتتىق جوبا اياسىندا تاراز جانە ورال قالالارىندا جوعارىدا اتالعان توپتىڭ ازاماتتارى تاۋارلىق گازدى %20 تومەندەتىلگەن باعامەن الادى، ال بۇل - 3 مىڭنان استام تۇتىنۋشى .
بۇل توپتىڭ تۇتىنۋشىلارى ءساۋىر ايىنداعى تۇبىرتەكتە گازدىڭ جاڭا باعاسىن كورە الدى. سونىمەن قاتار، بۇگىنگى كۇنى جەرگىلىكتى اتقارۋشى ورگاندارمەن جانە ۇيىمدارمەن بىرلەسىپ، «QazaqGaz» ۇ ك» ا ق ەنشىلەس كومپانياسىنىڭ «قازترانس گاز ايماق» ا ق اقپاراتتىق جۇيەلەرىن ەلەكتروندىق ۇكىمەت شليۋزى ارقىلى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ «الەۋمەتتىك كومەك» اۆتوماتتاندىرىلعان اقپاراتتىق جۇيەسى ارقىلى ينتەگراتسيالاۋ بويىنشا جۇمىس جالعاسۋدا.
اعىمداعى جىلدىڭ 1- شىلدەسىنەن باستاپ «مەملەكەتتىك اتاۋلى الەۋمەتتىك كومەك جانە (نەمەسە) تۇرعىن ءۇي كومەگىن الاتىن تۇرمىستىق تۇتىنۋشىلار» ساناتىنا جاتاتىن تۇتىنۋشىلاردىڭ ەلدىڭ بارلىق گازداندىرىلعان وڭىرىندە تومەندەتىلگەن باعامەن گاز الۋ مۇمكىندىگى بولادى.
گازعا تومەندەتىلگەن باعانى الۋ ءۇشىن تۇتىنۋشى Egov.kz.
پورتالىنداعى ا ا ك جانە تۇرعىن ءۇي كومەگىن الۋشى رەتىندەگى ءوزىنىڭ مارتەبەسىنە كوز جەتكىزۋى قاجەت.
